سعودی عرب میں بارشوں کی پیشگوئی

سعودی عرب میں بارشوں کی پیشگوئی

ریاض (ڈیلی پاکستان آن لائن) سعودی عرب کے محکمہ موسمیات نے مملکت کے بیشتر علاقوں میں چار دن بارشوں کی پیشگوئی کی ہے۔

یہ بھی پڑھیں: وزیر اعظم شہباز شریف سعودی عرب کا ایک اور کامیاب دورہ مکمل کرکے وطن واپس پہنچ گئے۔

موسمیاتی مرکز کی اطلاع

موسمیات کے قومی مرکز کے ترجمان حسین القحطانی نے کہا ہے کہ سعودی عرب کے بیشتر علاقوں میں جمعہ سے پیر تک بارش کا امکان ہے۔

یہ بھی پڑھیں: سدرہ کی قبرکشائی کے بعد پوسٹ مارٹم رپورٹ آ گئی، 18 سالہ سدرہ پر شدید تشدد اور گردن کی ہڈیاں ٹوٹی ہونے کا انکشاف

عوام کی رہنمائی

انہوں نے کہا کہ مملکت سعودیہ میں رہنے والے تمام لوگ متعلقہ اداروں کی ہدایات پر عمل کریں اور موسم کی تازہ معلومات کے لیے موسمیات کے قومی مرکز کے اعلانات سے آگاہ رہیں۔

یہ بھی پڑھیں: عمران فاروق کو بانی ایم کیو ایم نے قتل کروایا،مصطفیٰ کمال

نماز استسقاء

واضح رہے کہ آج سعودی عرب میں طلوع آفتاب کے پندرہ منٹ بعد نماز استسقاء ادا کی گئی، جس میں خشک سالی کے خاتمے اور بارش کے لیے دعا کی گئی۔

شاہی فرمان اور دعائیں

خادمِ حرمین شریفین شاہ سلمان بن عبدالعزیز کے شاہی فرمان کے تحت مملکت کے شہریوں اور غیر ملکی مسلمانوں نے اللہ کے حضور بارش کے لیے خصوصی دعائیں کیں۔