وزیراعلیٰ پنجاب مریم نواز سے گلوبل گرین گروتھ انسٹیٹیوٹ کے ڈائریکٹر جنرل کم سینگ ہائپ کی ملاقات، ماحول دوستی کے مشن میں پنجاب حکومت سے شراکت داری پر اتفاق

ملاقات کی تفصیلات

لاہور (ڈیلی پاکستان آن لائن) وزیراعلیٰ پنجاب مریم نواز سے “گلوبل گرین گروتھ انسٹیٹیوٹ” کے ڈائریکٹر جنرل کِم سینگ ہائپ (Kim Sang-hyup) نے برازیل کے شہر بیلم میں منعقدہ کوپ 30 کانفرنس کے دوران ملاقات کی۔ ملاقات میں ماحولیاتی بہتری کے عالمی اتحاد “گلوبل گرین گروتھ انسٹی ٹیوٹ” کی پنجاب حکومت کے ساتھ شراکت داری پر اتفاق کیا گیا۔ جی جی جی آئی عالمی کاربن مارکیٹ اور کاربن فنانسنگ میں پاکستان کی صلاحیت بڑھانے اور دنیا بھر کی کاربن مارکیٹس تک رسائی حاصل کرنے میں مدد کرے گا۔

یہ بھی پڑھیں: دہشتگردی واقعات پر کیا افغانستان کے اندر کارروائی کی جائے گی؟ وزیر داخلہ محسن نقوی نے صحافی کے سوال کا جواب دیدیا

کاربن کریڈٹس میں تبدیلی

عالمی کاربن مارکیٹ کے رہنما جی جی جی آئی نے وزیر اعلیٰ مریم نواز کے موسمیاتی بہتری کے اقدامات کو کاربن کریڈٹس میں تبدیل کرکے گرین گروتھ پروجیکٹس بنانے کی پیشکش کی۔ جی جی جی آئی پنجاب کو صوبائی سطح کے کاربن کریڈٹ پروگراموں میں بھی مدد فراہم کرے گا۔

یہ بھی پڑھیں: کینیڈا کے سابق وزیر اعظم اور گلوکارہ کیٹی پیری نے اپنے تعلقات کی تصدیق کردی

ماحولیاتی تبدیلیوں پر تبادلہ خیال

وزیراعلیٰ مریم نواز اور کِم سینگ ہائپ نے ماحولیاتی تبدیلیوں کے خطرات کا مقابلہ کرنے کے امور پر گفتگو کی۔ کِم سینگ ہائپ نے پنجاب حکومت کے ماحولیاتی بہتری کے اقدامات کی تعریف کی اور تاریخی سیلاب کی صورتحال سے نمٹنے کے حوالے سے اقدامات کو سراہا۔ انہوں نے کوپ 30 کانفرنس میں وزیراعلیٰ مریم نواز کے خطاب کو بھی سراہا۔

یہ بھی پڑھیں: اشتہاری مجرم کی جگہ میٹرک کا امتحان دینے والا گرفتار

ماحولیاتی بہتری کے عزم کا اظہار

کِم سینگ ہائپ نے وزیراعلیٰ مریم نواز سے گفتگو کرتے ہوئے کہا کہ آپ کے ویژن نے پنجاب میں ماحولیاتی بہتری کے عزم کو مضبوط کیا ہے۔ ہم آپ کے ساتھ ملکر ماحولیاتی بہتری اور پائیدار ترقی کے اہداف کے حصول کیلئے کام کرنے کے خواہاں ہیں۔

یہ بھی پڑھیں: ضلع کرم میں راستے بند، ادویات کی قلت، 2 ماہ میں 29 بچے انتقال کرگئے

جی جی جی آئی کی معاونت کا ذکر

وزیراعلیٰ مریم نواز نے کہا کہ آپ کے تجربات اور معاونت سے ماحولیاتی بہتری کے ویژن کو آگے بڑھانا ہمارے لئے اہم ہے۔ انہوں نے کِم سینگ ہائپ اور جی جی جی آئی کی ماحولیاتی بہتری کیلئے خدمات کی تعریف کی۔ مریم نواز نے گزشتہ ڈیڑھ سال کے دوران پنجاب میں ماحولیاتی بہتری کے اقدامات سے بھی آگاہ کیا۔

یہ بھی پڑھیں: کل کے بیان پر شرم آنی چاہیے، پی ٹی آئی نے عہدوں کا ناجائز اور غلط استعمال کیا:طلال چودھری

جی جی جی آئی کا کردار

گلوبل گرین گروتھ انسٹی ٹیوٹ (جی جی جی آئی) کاربن فنانس کے شعبے میں اہم کردار ادا کرتا ہے۔ یہ خاص طور پر ترقی پذیر ممالک میں گرین مالی امداد کی سہولت فراہم کرتا ہے۔ جی جی جی آئی عالمی ادارہ ممالک کو بین الاقوامی کاربن مارکیٹس میں شرکت کی معاونت فراہم کرتا ہے۔ اس کے تعاون سے پنجاب اپنی موجودہ موسمیاتی بہتری کی کوششوں کے ساتھ گرین فنانسنگ کی عالمی مارکیٹ میں داخل ہو سکے گا۔

ملاقات کے شرکاء

سنیئر صوبائی وزیر مریم اورنگزیب اور صوبائی وزراء راناسکندر حیات، ذیشان رفیق، چیف سیکرٹری زاہد اختر زمان، چیئرمین پی اینڈ ڈی نعیم رؤف اور ڈی جی ای پی اے عمران حامد بھی ملاقات میں موجود تھے۔