ڈیوٹی پر آنے ٹریفک وارڈن کو بھی ڈاکوؤں نے لوٹ لیا

ٹنکی کوٹ عبدالمالک میں ڈاکیت کا واقعہ

شیخوپورہ (زین بابو) تھانہ کوٹ عبدالمالک کی حدود میں پھول منڈی چوک میں ٹریفک وارڈن کو دن دیہاڑے مسلح ڈاکوؤں نے لوٹ لیا جس کا مقدمہ درج کر لیا گیا ہے، مزاحمت پر تشدد کا نشانہ بھی بنا دیا جسے ہسپتال منتقل کردیا گیا ہے۔

یہ بھی پڑھیں: پنشن پر کتنا ٹیکس لگے گا؟ ایف بی آر نے تیاری شروع کر دی

ڈکیتی کے مقامات

تفصیل کے مطابق کوٹ عبدالمالک، فیض پور، رحمان گارڈن اور پھول منڈی چوک ڈکیتیوں کے حوالے سے ہاٹ پوائنٹس بن کر رہ گئے ہیں جبکہ ٹریفک وارڈن کے ساتھ واردات کرنے والے ڈاکوؤں کی مختلف مقامات سے گزرتے ہوئے تصاویر اور سی سی ٹی وی فوٹیج بھی سامنے آ چکی ہے۔

یہ بھی پڑھیں: وزیراعلیٰ مریم نواز نے پنجاب اکنامک ٹرانسفارمیشن کمیٹی تشکیل دے دی

متاثرہ ٹریفک وارڈن کا بیان

عارف بیگ نے موقف اپنایا کہ السعید چوک ڈیوٹی پر آ رہا تھا کہ سگیاں روڈ پر پاسپورٹ آفس کے سامنے 3 مسلح افراد نے روک کر میرا موبائل اور پرس وغیرہ چھین لیا، میں باوردی تھا اور تینوں مسلح تھے جنہوں نے مارا بھی ہے۔

عوامی مطالبات

عوام نے وزیراعلیٰ پنجاب، آئی جی پنجاب، آر پی او شیخوپورہ اور ڈی پی او شیخوپورہ سے فوری نوٹس لینے کا مطالبہ کرتے ہوئے کہا ہے کہ اگر پولیس نے ذمہ دارانہ کردار ادا نہ کیا تو صورتحال مزید خراب ہوسکتی ہے۔