سونے کی قیمت میں بڑی کمی، فی تولہ سونا کتنے کا ہوگیا؟

سونے کی قیمتوں میں کمی

کراچی(ڈیلی پاکستان آن لائن) ملک بھر میں سونے کی قیمت میں بڑی کمی واقع ہوئی ہے، فی تولہ سونا کئی ہزار روپے سستا ہوگیا۔

یہ بھی پڑھیں: وزیراعظم نے انسانی سمگلروں کے سہولت کار ایف آئی اے اہلکاروں کی نشاندہی کی ہدایت کردی

صرافہ مارکیٹ کی تفصیلات

آل پاکستان صرافہ جیمز ایند جیولرز ایسوسی ایشن کے مطابق جمعہ کو صرافہ مارکیٹ میں 24 قیراط کا فی تولہ سونا 3300 روپے کی کمی سے 4 لاکھ 39 ہزار 762 روپے پر آگیا۔

اسی طرح 24 قیراط کے 10 گرام سونے کی قیمت 2829 روپے کی کمی سے 3 لاکھ 77 ہزار 25 روپے ہوگئی جبکہ عالمی مارکیٹ میں 33 ڈالر کی کمی سے فی اونس سونا 4174 ڈالر پر آگیا۔

چاندی کی قیمتوں میں بھی کمی

دوسری جانب چاندی کی قدر میں کمی کا سلسلہ بھی جاری ہے۔ فی تولہ چاندی 140 روپے کی کمی سے 5 ہزار 522 روپے کی ہوگئی جبکہ 10 گرام چاندی 120 روپے کی کمی سے 4 ہزار 734 روپے کی ہوگئی۔