وزیراعظم آزادکشمیر کے خلاف تحریک عدم اعتماد جمع

آزاد جموں و کشمیر میں عدم اعتماد کی تحریک

مظفرآباد(ڈیلی پاکستان آن لائن) وزیراعظم آزادجموں وکشمیر چودھری انوارالحق کے خلاف تحریک عدم اعتماد جمع کرا دی گئی۔

یہ بھی پڑھیں: چاہتا ہوں نیتن یاہو غزہ میں جنگ ختم کریں لیکن فتح ضرور ہونی چاہئے، ٹرمپ

تحریک عدم اعتماد کی تفصیلات

نجی ٹی وی چینل دنیا نیوز کے مطابق پیپلزپارٹی کے ارکان اسمبلی کی طرف سے یہ تحریک جمع کرائی گئی ہے۔ تحریک عدم اعتماد پر 17 ارکان کے دستخط موجود ہیں جبکہ نئے وزیراعظم کیلئے فیصل راٹھور کا نام پیش کیا گیا ہے۔

یہ بھی پڑھیں: شادی میں زہریلا کھانا کھانے سے 100 سے زائد بچوں کی حالت غیر ہوگئی

پیپلزپارٹی کی حکومت سازی کی منصوبہ بندی

قبل ازیں پیپلزپارٹی کے رہنما راجہ پرویز اشرف کا کہنا تھا کہ "ہمارے نمبرز پورے ہیں، ہم آزادکشمیر میں حکومت بنائیں گے۔ فیصل راٹھور کو تجربہ ہے، وہ بہترین انداز میں حکومت چلائیں گے۔"

ن لیگ کے ساتھ اتحاد کا فیصلہ

ن لیگ کی حکومت میں شمولیت سے متعلق سوال پر ان کا کہنا تھا، "جب ہمارے پاس تعداد پوری ہے تو ہمیں کسی کی ضرورت نہیں ہے۔"