فیلڈ مارشل کی مدت میں توسیع پاکستان کے لیے نیگ شگون

تحریر وقار ملک

پاکستان ایک جمہوری ملک ہے جو دستورِ پاکستان 1973ء کے تحت چل رہا ہے۔ وقت کے ساتھ بدلتی ملکی و عالمی ضروریات کے پیشِ نظر مختلف آئینی ترامیم کی جاتی رہی ہیں تاکہ نظامِ حکومت میں شفافیت، انصاف اور ادارہ جاتی توازن برقرار رکھا جا سکے انہی میں سے ایک اہم پیش رفت 27ویں آئینی ترمیم ہے، جو موجودہ حکومت اور عسکری قیادت کے تعاون سے کی گئی اور جس نے ملکی سیاست، معیشت اور گورننس میں مثبت تبدیلیوں کی بنیاد رکھی۔ 27ویں آئینی ترمیم کی نمایاں خصوصیات اور فوائد ہیں:

1. قیادت کی شفاف مثال

اس ترمیم کا سب سے اہم پہلو یہ ہے کہ وزیراعظم پاکستان میاں شہباز شریف اور فیلڈ مارشل عاصم منیر نے قانون کے تحت ملنے والی خصوصی رعایت یا استحقاق سے خود کو مثتثنیٰ قرار دیا۔ انہوں نے کسی بھی اضافی سہولت یا مراعات سے انکار کرتے ہوئے ایک اعلیٰ مثال قائم کی، جس سے ان کا وقار عوامی اور قومی سطح پر مزید بڑھ گیا۔ یہ عمل اس بات کی علامت ہے کہ ملک کے اعلیٰ عہدوں پر فائز شخصیات خود قانون کے تابع ہیں اور مساوات کے اصول پر یقین رکھتی ہیں۔

2. دوہری شہریت پر پابندی

27ویں ترمیم کے تحت ایک انتہائی اہم شق یہ شامل کی گئی ہے کہ کوئی بھی سرکاری ملازم، افسر، جنرل، کرنل، سیکریٹری یا کسی بھی سرکاری عہدے پر فائز شخص کسی دوسرے ملک کی شہریت (Nationality) حاصل نہیں کر سکے گا۔ یہ شق قومی وفاداری اور سلامتی کے تحفظ کے لیے نہایت اہم قدم ہے، جو ریاستی رازوں اور حساس معاملات کے تحفظ کو یقینی بناتی ہے۔

3. احتساب اور شفافیت کا فروغ

اس ترمیم کے ذریعے تمام سرکاری اداروں کو مزید شفاف اور جوابدہ بنایا گیا ہے تاکہ کرپشن اور اقرباپروری کا خاتمہ ممکن ہو۔

4. وفاقی و صوبائی تعلقات کی مضبوطی

مرکز اور صوبوں کے درمیان اختیارات کی تقسیم کو بہتر اور منصفانہ بنایا گیا، جس سے نظامِ حکومت میں توازن پیدا ہوا۔

5. عوامی خدمت کا فروغ

ترمیم نے اس بات کو یقینی بنایا کہ عوامی نمائندے اور سرکاری افسران عوام کی خدمت کو اولین ترجیح دیں، نہ کہ ذاتی مفادات حاصل کریں۔

ملکی ترقی پر اثرات

27ویں آئینی ترمیم اور شہباز شریف فیلڈ مارشل عاصم منیر کی قیادت نے پاکستان میں شفاف حکمرانی، قومی اتحاد، اور قانون کی بالادستی کے نئے باب کا آغاز کیا۔ اس ترمیم کے نفاذ سے پاکستان میں ادارہ جاتی اصلاحات تیز تر ہوئیں، عوامی اعتماد میں اضافہ ہوا، اور بین الاقوامی سطح پر ملک کا وقار بلند ہوا۔ 27ویں آئینی ترمیم دراصل ایک نئے پاکستان کی علامت ہے — ایک ایسا پاکستان جہاں قانون سب کے لیے برابر ہے، اور قیادت اپنی ذات سے پہلے ملک و قوم کو ترجیح دیتی ہے۔