سرینگر کے نوگام پولیس اسٹیشن کے کمپاؤنڈ میں زوردار دھماکہ، 7 افراد ہلاک، 27 زخمی

زوردار دھماکہ سرینگر کے نوگام پولیس اسٹیشن میں

سر ینگر (مانیٹرنگ ڈیسک) - سرینگر کے نوگام پولیس اسٹیشن کے کمپاؤنڈ میں زوردار دھماکہ ہوا ہے جس میں 7 افراد ہلاک اور 27 زخمی ہو گئے ہیں۔

دھماکے کی تفصیلات

’’جیو نیوز‘‘ نے بھارتی میڈیا کے حوالے سے بتایا ہے کہ مقبوضہ جموں وکشمیر میں سرینگر کے نوگام پولیس اسٹیشن کے کمپاؤنڈ میں زوردار دھماکے کے بعد آگ بھڑک اٹھی۔ دھماکہ ضبط کیے گئے امونیم نائٹریٹ کے پھٹنے سے ہوا، دھماکے کے باعث 7 افراد ہلاک جبکہ 27 زخمی ہوگئے۔

نقصان اور تباہی

ابتدائی رپورٹس کے مطابق دھماکے سے پولیس اسٹیشن کے اندر بڑے پیمانے پر تباہی ہوئی ہے، کئی گاڑیاں مکمل طور پر آگ کی لپیٹ میں آگئیں جبکہ عمارت کے کچھ حصے کو بھی شدید نقصان پہنچا ہے۔

حکام کی جانب سے خدشات

حکام نے ہلاکتوں میں اضافے کا خدشہ ظاہر کردیا تاہم واقعے کے حوالے سے مزید تحقیقات کی جارہی ہیں۔