پنجاب حکومت کی گنے کی کرشنگ کی 15 نومبر ڈیڈ لائن آج ختم، 41 میں سے صرف 5 شوگر ملز نے عملدرآمد کیا

پنجاب میں گنے کی کرشنگ کا معاملہ

لاہور (ڈیلی پاکستان آن لائن) پنجاب میں گنے کی کرشنگ کی 15 نومبر کی حکومتی ڈیڈلائن پر صرف 5 شوگر ملز نے عملدرآمد کیا، جبکہ 41 میں سے 36 شوگر ملوں نے صوبائی حکومت کے احکامات ہوا میں اڑا دیے ہیں۔

یہ بھی پڑھیں: آزاد امیدواروں کو سیاسی جماعتوں میں شمولیت کا پابند بنانے سے متعلق درخواست غیر موثر ہونے پر نمٹا دی گئی

چینی کی قیمتوں میں اضافہ

روزنامہ جنگ کے مطابق پنجاب حکومت نے شوگر ملوں کو 15 نومبر سے کرشنگ شروع کرنے کی ڈیڈ لائن دی تھی، جس پر عمل درآمد نہ ہونے سے چینی کی قیمت میں 3 سے 4 روپے فی کلو مزید اضافے کا خدشہ ہے۔

مارکیٹ ذرائع کے مطابق پنجاب کے مختلف شہروں میں چینی کی قیمت 200 روپے سے 215 روپے تک پہنچ چکی ہے۔

یہ بھی پڑھیں: شرقپور میں معمولی جھگڑے پر نوجوان قتل

کارروائی کا اعلان

کین کمشنر نے حکومتی ڈیڈلائن پر کرشنگ کا آغاز نہ کرنے والی شوگر ملز کے خلاف کل سے کارروائی کا اعلان کیا ہے، جن ملوں نے کرشنگ شروع نہیں کی، ان کے خلاف کارروائی کی جائے گی۔