27ویں ترمیم کو نہ ماننے والے آئین اور پارلیمنٹ کو نہیں مان رہے: مریم اورنگزیب

مریم اورنگزیب کا بیان

لاہور (ڈیلی پاکستان آن لائن) پنجاب کی سینئر وزیر مریم اورنگزیب نے کہا ہے کہ پارلیمنٹ کے فیصلوں کو نہ ماننا آٖئین شکنی ہے۔ 27ویں ترمیم کو نہ ماننے والے آئین اور پارلیمنٹ کو نہیں مان رہے۔

یہ بھی پڑھیں: پاک بھارت کشیدگی، بھارت کرکٹ ٹیم کے کپتان روہت شرما کا رد عمل سامنے آگیا

ترمیم کی منظوری پر مبارک باد

لاہور سے جاری بیان میں مریم اورنگزیب نے 27ویں آئینی ترمیم کی منظوری پر مبارک باد دی اور کہا کہ پارلیمنٹ کا کام آئین اور قانون کی مسلسل بہتری کے لیے کام کرنا ہے۔ وزیراعظم شہباز شریف نے قائدانہ کردار ادا کیا، ترمیم کے تمام مراحل جمہوری انداز سے مکمل ہوئے۔

پارلیمنٹ کے فیصلوں کی اہمیت

پنجاب کی سینئر وزیر نے یہ بھی کہا کہ پارلیمنٹ کے فیصلوں کو نہ ماننا آئین شکنی ہے، ترمیم کو نہ ماننے والے آئین اور پارلیمنٹ کو نہیں مان رہے۔ پارلیمنٹ کے اختیار کو نہ ماننے والے نہ جمہوری ہیں نہ ہی آئین پرست، پی ٹی آئی نے اپنے سیاسی اور ذاتی مفاد کے لیے عدلیہ سمیت دیگر ادارے تباہ کیے۔