وزیر تعلیم آزاد کشمیر دیوان علی چغتائی پیپلز پارٹی میں شامل

آزاد جموں و کشمیر کے وزیر تعلیم کی پیپلز پارٹی میں شمولیت

مظفرآباد (ڈیلی پاکستان آن لائن) آزاد جموں و کشمیر کے وزیر تعلیم سکولز دیوان علی چغتائی نے پاکستان پیپلز پارٹی (پی پی پی) میں شمولیت اختیار کر لی۔

یہ بھی پڑھیں: پنجاب میں اسٹروک مینجمنٹ سنٹرز پوری طرح فعال، فالج کے 700 سے زائد مریض صحت یاب، ہر شہری کی صحت ہماری ذمہ داری ہے: وزیراعلیٰ مریم نواز

تحریک عدم اعتماد میں نئی حمایت

نجی ٹی وی چینل دنیا نیوز کے مطابق آزاد جموں و کشمیر میں وزیراعظم انوارالحق کے خلاف تحریک عدم اعتماد میں پیپلز پارٹی کو مزید ایک رکن کی حمایت مل گئی ہے۔ وزیراعظم انوارالحق کے اتحادی رکن دیوان چغتائی نے بھی علیحدگی اختیار کرکے پیپلز پارٹی میں شمولیت اختیار کر لی ہے۔

شمولیت کا اعلان

دیوان علی چغتائی نے پیپلز پارٹی کے سیاسی امور کی نگران فریال تالپور سے ملاقات کے بعد شمولیت کا اعلان کیا۔ اس موقع پر پی پی پی رہنما چودھری محمد ریاض، ضیاء القمر اور سردار احمد صغیر بھی موجود تھے۔