بھارتی کپتان شبمن گل جنوبی افریقا کے خلاف میچ کے دوران شدید انجری کا شکار، آئی سی یو میں داخل

کپتان شبمن گل کی انجری

کولکتہ (ڈیلی پاکستان آن لائن) بھارت کی ٹیسٹ ٹیم کے کپتان شبمن گل کو میچ کے دوران انجری کے باعث ہسپتال میں داخل کروایا گیا ہے۔

یہ بھی پڑھیں: ٹرمپ نے ایران پر حملے کی منظوری دیدی، حتمی حکم جاری نہیں کیا: امریکی اخبار

جنوبی افریقا کے خلاف میچ

بھارت کو جنوبی افریقا کے خلاف جاری پہلے ٹیسٹ میچ میں بڑا دھچکا لگا ہے، کپتان شبمن گل گردن کی انجری کے باعث ممکنہ طور پر باقی میچ سے باہر ہو سکتے ہیں۔

یہ بھی پڑھیں: درجہ دوم، سوم کے آئل، گھی کی قیمتوں میں 18 سے 24 روپے کمی

انجری کی تفصیلات

بھارتی میڈیا رپورٹس کے مطابق کولکتہ کے ایڈن گارڈنز میں کھیلے جا رہے میچ کے دوسرے روز شبمن گل صرف 4 رنز بنا کر میدان سے باہر چلے گئے اور انہیں فوری طور پر ہسپتال منتقل کیا گیا۔

یہ بھی پڑھیں: بھارت کے ناپاک عزائم سامنے آنے کا سلسلہ جاری، پاکستان مخالف ایک اور بڑا قدم اٹھا لیا

انجری کا سبب

بھارتی کپتان کو یہ انجری جنوبی افریقی سپنر سائمن ہارمر کی گیند پر سویپ شاٹ کھیلنے کی کوشش کے دوران آئی، جس کے نتیجے میں ان کی گردن میں شدید کھچاؤ پیدا ہوا، ڈریسنگ روم میں ابتدائی طبی امداد کے دوران انہیں گردن پر کالر پہنایا گیا۔

یہ بھی پڑھیں: مصباح کی جگہ اظہر محمود کو کوچ کیوں بنایا گیا؟ باسط علی نے راز فاش کردیا۔

حالیہ صورتحال

بھارتی میڈیا کے مطابق شبمن گل کو بیٹنگ کے بعد گردن میں تکلیف اور حرکت میں رکاوٹ محسوس ہوئی، جس کے باعث صورت حال تشویشناک ہو گئی۔ بعد ازاں ہفتے کی شام سروائیکل کالر میں انہیں ہسپتال جاتے دیکھا گیا۔

علاج اور نگرانی

بتایا جا رہا ہے کہ شبمن گل اس وقت آئی سی یو میں داخل ہیں اور وہ فی الحال ڈاکٹرز کی زیرِ نگرانی رہیں گے۔ کرکٹر انجری کی شدت جاننے کے لیے مزید ٹیسٹ کیے جائیں گے جس کے بعد علاج اور دستیابی سے متعلق فیصلہ کیا جائے گا.