کرشنگ نہ کرنے والی ملوں کے خلاف آج سے ایکشن ہوگا: کین کمشنر پنجاب

کین کمشنر پنجاب کا ایکشن

لاہور (ڈیلی پاکستان آن لائن) کین کمشنر پنجاب نے کرشنگ شروع نہ کرنے والی ملوں کے خلاف آج سے ایکشن شروع کرنے کا اعلان کردیا۔

یہ بھی پڑھیں: وزیراعظم پی ٹی آئی سمیت تمام پارٹیوں کو ایک جگہ بٹھائیں، فیصل واوڈا کا اے پی سی بلانے کا مطالبہ

کرشنگ کی ڈیڈ لائن

نجی ٹی وی چینل دنیا نیوز کے مطابق پنجاب میں کرشنگ شروع کرنے کی حکومتی ہدایت کے باوجود زیادہ تر شوگر ملوں نے کرشنگ شروع کرنے سے انکار کر دیا۔ حکومت پنجاب نے کرشنگ شروع کرنے کے لیے 15 نومبر کی ڈیڈ لائن دی تھی مگر پنجاب کی 41 میں سے صرف 5 شوگر ملوں نے کرشنگ شروع کی۔

یہ بھی پڑھیں: بنگلہ دیش کی نئی کابینہ کی حلف برداری، پاکستان کو دعوت نامہ مل گیا

چینی کی قیمتوں میں اضافہ کا خدشہ

کین کمشنر پنجاب کا کہنا ہے کہ کرشنگ شروع نہ کرنے والی ملوں کے خلاف آج سے ایکشن شروع کر دیا جائے گا۔ حکومت کی ڈیڈ لائن پر صرف شریف فیملی کی شوگر ملوں نے کرشنگ شروع کی ہے، جبکہ بیشتر ملوں کے نہ شروع ہونے کی وجہ سے چینی کی قیمتوں میں مزید اضافے کا خدشہ موجود ہے۔

یہ بھی پڑھیں: آج کس منہ سے پیپلز پارٹی کا دم چھلّا بنے ہوئے ہیں، ذاتی مفادات کی سیاست کرنے والے یہ لوٹے مسلم لیگ کے نام پر سیاہ دھبوں کی حیثیت رکھتے ہیں

کسان اتحاد کا ردعمل

ادھر کسان اتحاد کے چیئر مین خالد باٹھ کا کہنا ہے کہ مل مالکان کرشنگ میں تاخیر کر کے گنا سستے داموں خریدنے کی کوشش کر رہے ہیں۔

چینی کی موجودہ قیمتیں

یاد رہے کہ اس وقت ملک بھر میں چینی 200 سے 229 روپے فی کلو میں فروخت ہو رہی ہے۔