جوڈیشل کمپلیکس سے قبل خودکش بمبار کہاں حملہ کرنا چاہتا تھا؟ گرفتار ملزمان کے دوران تفتیش اہم انکشافات

خودکش حملہ آور کے سہولت کار کی گرفتاری

اسلام آباد (ڈیلی پاکستان آن لائن) اسلام آباد میں جوڈیشل کمپلیکس کے باہر خودکش حملہ آور کے گرفتار سہولت کار اور ہینڈلر نے تحقیقات میں اہم انکشافات کیے ہیں۔

یہ بھی پڑھیں: اگر پیٹرولیم مصنوعات کی قیمتیں کم نہ ہوئیں تو گڈز ٹرانسپورٹ بند کردیں گے، ڈمپر ایسوسی ایشن نے بھی دھمکی دیدی

فیض آباد ناکے پر حملہ کی کوشش

نجی ٹی وی چینل جیو نیوز ذرائع کے مطابق خودکش حملہ آور نے جوڈیشل کمپلیکس سے پہلے فیض آباد ناکے کو بھی نشانہ بنانے کی کوشش کی۔ خودکش حملہ آور فیض آباد ناکے پر حملے کے لیے پہنچ چکا تھا۔

یہ بھی پڑھیں: خیبر پختونخوا میں خاتون کے ہاں 5 بچوں کی پیدائش

دھماکے کی ناکامی اور واپسی

تفتیشی ذرائع کا بتانا ہے کہ دھماکا کرنے کی کوشش کے دوران خودکش حملہ آور بارودی مواد کی پن نہ نکال سکا، جس کی وجہ سے وہ دھماکے میں ناکام رہا اور واپس راولپنڈی چلا گیا۔

یہ بھی پڑھیں: وزیراعظم شہباز شریف اور کویت کے ولی عہد کے درمیان ٹیلی فونک رابطہ

جوڈیشل کمپلیکس پر ہونے والا حملہ

ذرائع کا کہنا ہے کہ ملزم نے چند دن بعد جوڈیشل کمپلیکس پر خودکش حملہ کیا، جس کے نتیجے میں 13 افراد شہید اور 30 زخمی ہوئے۔

یہ بھی پڑھیں: پی ایس ایل، کوئٹہ گلیڈی ایٹرز نے ملتان سلطانز کو شکست دے دی

افغانستان سے تعلق

خودکش حملہ آور کا تعلق افغانستان کے علاقے ننگر ہار سے تھا۔ گرفتار سہولت کار اور ہینڈلرز بھی افغانستان میں فتنۃ الخواج کے رہنماؤں کے ساتھ رابطے میں تھے، اور افغانستان سے کالعدم ٹی ٹی پی کے کمانڈر مسلسل ہدایات دے رہے تھے۔

ٹی ٹی پی کمانڈر کی ہدایت

انٹیلی جنس ذرائع کے مطابق ٹی ٹی پی کمانڈر سعید الرحمان عرف "داد اللہ" نے ٹیلی گرام ایپ کے ذریعے رابطہ کر کے اسلام آباد میں خودکش حملہ کرنے کی ہدایت کی۔ داد اللہ نے ساجد اللہ عرف "شینا" کو خودکش بمبار عثمان عرف "قاری" کی تصاویر بھی بھیجیں تاکہ وہ اسے پاکستان میں وصول کرے۔ خودکش بمبار عثمان عرف "قاری" کا تعلق شینواری قبیلے سے تھا اور وہ ننگرہار، افغانستان کا رہائشی تھا۔