وفاقی حکومت کا پیٹرول پر لیوی میں ایک روپے 60 پیسے فی لیٹر کا اضافہ

وفاقی حکومت کا پیٹرول پر لیوی میں اضافہ

اسلام آباد (ویب ڈیسک) وفاقی حکومت نے پیٹرول پر لیوی کی شرح میں اضافہ کر کے عوام کو ریلیف سے محروم کر دیا۔

یہ بھی پڑھیں: ملک کے مختلف علاقوں میں موسلا دھار بارشیں جاری

لیوی کی نئی شرحیں

دستاویز کے مطابق حکومت نے پیٹرول پر لیوی 1 روپے 60 پیسے فی لیٹر بڑھا دی۔ آئندہ 15 روز کیلیے اس پر ایکسٹرا مارجن بھی 3 پیسے فی لیٹر بڑھا دیا گیا۔

یہ بھی پڑھیں: جنگی صورتحال کے باعث پھنسے زائرین کیلئے سعودی عرب کی جانب سے بڑا ریلیف، ویزوں میں توسیع کر دی

پیٹرول کی قیمت میں تبدیلی

اے آر وائے نیوز کے مطابق حالیہ اضافے کے بعد پیٹرول پر پٹرولیم لیوی کی شرح 78 روپے 2 پیسے سے بڑھا کر 79 روپے 62 پیسے ہوگئی۔ تاہم، ڈسٹری بیوٹرز مارجن 7 روپے 87 پیسے اور ڈیلرز مارجن 8 روپے 64 پیسے کی موجودہ شرح برقرار رکھی گئی۔ پیٹرول پر فریٹ مارجن کی شرح 8 روپے 18 پیسے فی لیٹر ہے۔

یہ بھی پڑھیں: انفارمیشن ٹیکنالوجی اور سائنسی علوم کے مواقع فراہم کرنااولین ترجیحات ہیں: وزیر اعلیٰ مریم نواز

ڈیزل پر لیوی کی کمی

دستاویز کے مطابق آئندہ 15 روز کیلیے ڈیزل پر پیٹرولیم لیوی 1 روپے 60 پیسے کم کر دی گئی۔ نئی لیوی کی شرح 77 روپے 1 پیسے سے کم ہو کر 75 روپے 41 پیسے ہوگئی۔ ڈیزل پر فریٹ مارجن 1 روپے 82 پیسے اور ایکسٹرا مارجن 24 پیسے فی لیٹر کم کر دیا گیا۔

یہ بھی پڑھیں: چیمپئنز ٹرافی، بھاری رقم کی پیشکش پر پی سی بی نے زور دار جواب دیدیا

ڈیزل کی مارجن کی تفصیلات

ڈیزل پر فریٹ مارجن 4 روپے 31 پیسے فی لیٹر، ڈسٹری بیوٹرز مارجن 7 روپے 87 پیسے اور ڈیلرز مارجن 8 روپے 64 پیسے فی لیٹر ہے۔

ہائی اسپیڈ ڈیزل پر مارجن

اسی طرح، ہائی اسپیڈ ڈیزل پر ایکسٹرا مارجن کی شرح 5 پیسے فی لیٹر ہے۔ پیٹرول اور ڈیزل پر کاربن لیوی کی شرح برقرار رکھی گئی جبکہ دونوں مصنوعات پر سیلز ٹیکس کی شرح صفر ہے۔