مری گلاس ٹرین منصوبے کے روٹ کو اسلام آباد ائیرپورٹ تک بڑھانے پر غور

مری گلاس ٹرین منصوبہ

اسلام آباد (سٹاف رپورٹر) مری گلاس ٹرین منصوبے کے روٹ کو اسلام آباد ائیر پورٹ تک بڑھانے کی تجویز پر غور کیا جا رہا ہے۔

یہ بھی پڑھیں: شوکت یوسفزئی پارٹی قیادت پر پھٹ پڑے، عمران کی رہائی کیلئے موثر اقدامات نہ اٹھانے کا الزام

روٹ کی تفصیلات

تفصیل کے مطابق پنجاب حکومت راول جھیل پارک اور بھارہ کہو بائی پاس سے مری تک گلاس ٹرین سروس کے آغاز کی تیاری کر رہی ہے۔ مری گلاس ٹرین منصوبے کے کنسلٹنٹ نے سی ڈی اے کو تجویز دی ہے کہ منصوبے کے مجوزہ روٹ کو فیض آباد کے راستے اسلام آباد انٹرنیشنل ائیر پورٹ تک بڑھایا جائے۔

یہ بھی پڑھیں: کوئٹہ؛ مکان کی چھت گرنے سے 3 بچے جاں بحق

اجلاس کی تفصیلات

یہ تجویز پنجاب حکومت، نیسپاک اور سی ڈی اے کے حالیہ ہونے والے اجلاسوں میں پیش کی گئی۔ اس دوران منصوبے کے اگلے مرحلے پر کام میں تیزی لانے پر اتفاق کیا گیا۔

یہ بھی پڑھیں: جنگی میدان میں سیز فائر ہو گیا لیکن سوشل میڈیا پر مودی کی ٹھکائی اب بھی جاری ، پاکستانیوں کی میمز نے سب کو ہنسا ہنسا کے لوٹ پوٹ کر دیا

فزیبلٹی اسٹڈی

بتایا گیا ہے کہ منصوبے کی فزیبلٹی سٹڈی پہلے ہی مکمل ہے۔ موجودہ منصوبے کے تحت ٹرین بھارہ کہو بائی پاس سے مری کے پنڈی پوائنٹ تک 40 کلو میٹر طویل روٹ پر چلے گی۔

سرگرمیاں اور ملاقاتیں

وزیراعلیٰ کے مشیر شاہد اشرف تارڑ کی سربراہی میں پنجاب حکومت کے وفد نے چیئرمین سی ڈی اے محمد علی رندھاوا اور بورڈ ممبران سے ملاقات کی۔ ملاقات میں پنجاب حکام نے مری گلاس ٹرین کو اسلام آباد ائیر پورٹ سے منسلک کرنے کی تجویز پیش کی۔