ایشیاء کپ رائزنگ سٹارز: پاکستان شاہینز نے بھارت اے کو ہرا کر سیمی فائنل میں جگہ پکی کرلی

دوحہ میں پاکستان شاہینز کی شاندار فتح

دوحہ (ڈیلی پاکستان آن لائن) ایشیا کپ رائزنگ سٹارز میں پاکستان شاہینز نے بھارت اے کو یکطرفہ مقابلے میں 8 وکٹوں سے ہرا کر سیمی فائنل میں جگہ پکی کرلی۔

یہ بھی پڑھیں: ویڈیو: پنجاب میں بڑا کریک ڈاؤن شروع، ٹریفک قوانین کی خلاف ورزی پر بھاری جرمانے اور گرفتاریاں، پولیس والوں کے بھی چالان ہونے لگے

میچ کی تفصیلات

قطر کے دارالحکومت دوحہ میں کھیلے گئے گروپ میچ میں شاہینز نے ٹاس جیت کر فیلڈنگ کا فیصلہ کیا، جو بالکل درست ثابت ہوا۔ بھارت اے کی پوری ٹیم 19 اوورز میں 136 رنز بناکر ڈھیر ہوگئی۔ سوریا ونسی نے 45 اور نمن دھیر نے 35 رنز کی اننگز کھیلی، مگر باقی بیٹنگ لائن بری طرح بکھر گئی اور آخری 8 وکٹیں صرف 45 رنز کے اضافے پر گریں۔

یہ بھی پڑھیں: سانحہ 9 مئی، فوجی عدالتوں میں سویلین کے ٹرائل سمیت اہم درخواستوں پر سماعت آج ہو گی

پاکستان کی بولنگ کا جادو

پاکستان کی جانب سے شاہد عزیز نے شاندار بولنگ کرتے ہوئے 24 رنز کے عوض 3 کھلاڑیوں کو آؤٹ کیا، جبکہ معاذ صداقت اور سعد مسعود نے دو دو وکٹیں لیں۔ سفیان مقیم، عبید شاہ اور احمد دانیال نے ایک ایک وکٹ حاصل کی۔

یہ بھی پڑھیں: ویرات کوہلی اہلیہ انوشکا کے ساتھ بھارت چھوڑ کر کس ملک منتقل ہو رہے ہیں؟ کرکٹر کے سابق کوچ کا بڑا دعویٰ

پاکستان شاہینز کی بیٹنگ

ہدف کے تعاقب میں پاکستان شاہینز نے معاذ صداقت کی دھواں دار بیٹنگ کی بدولت 13.2 اوورز میں ہی 137 رنز پورے کر لیے۔ معاذ نے صرف 47 گیندوں پر 79 رنز کی ناقابلِ شکست اننگز کھیلی، جس میں 7 چوکے اور 4 چھکے شامل تھے۔ محمد فائق 16 رنز پر ناٹ آؤٹ رہے، جبکہ محمد نعیم نے 14 اور یاسر نے 11 رنز بنائے۔