پاکستان کی سری لنکا کے خلاف کلین سویپ پر چیئرمین پی سی بی محسن نقوی کی مبارکباد

قومی ٹیم کی شاندار فتح

اسلام آباد (ڈیلی پاکستان آن لائن) پاکستان کرکٹ بورڈ کے چیئرمین محسن نقوی نے سری لنکا کے خلاف ون ڈے سیریز میں شاندار کلین سویپ پر قومی کھلاڑیوں کو مبارکباد دی ہے۔ اپنے بیان میں انہوں نے کہا کہ ٹی ٹوئنٹی سیریز جیتنے کے بعد ون ڈے سیریز میں بھی لگاتار فتوحات قابلِ فخر ہیں۔

یہ بھی پڑھیں: محمود خان اچکزئی کی سربراہی میں تحریک تحفظِ آئین پاکستان کا اجلاس ، آئینی ترمیم کو ملکی نظام کے لئے زہر قاتل قرار دے دیا

کھلاڑیوں کی محنت کا اعتراف

محسن نقوی کا کہنا تھا کہ کھلاڑیوں، کوچز اور مینجمنٹ نے لگن اور محنت سے بہترین کارکردگی دکھائی ہے، جس پر پوری قوم کو فخر ہے۔ انہوں نے شائقینِ کرکٹ سے اپیل کی کہ وہ قومی ٹیم پر بھروسہ رکھیں کیونکہ یہ لڑکے ملک کے لیے دل و جان سے کھیل رہے ہیں۔

یہ بھی پڑھیں: چیئرمین وزیراعظم یوتھ پروگرام رانا مشہود کی زیر صدارت فیک نیوز کے تدارک کیلیے سنئیر صحافیوں، ایڈیٹرز، تجزیہ کاروں، اینکرز رپورٹر پر مشتمل گروپ کے ساتھ ڈائیلاگ

حارث رؤف کی کامیابی

چیئرمین پی سی بی نے فاسٹ بولر حارث رؤف کو سیریز کے بہترین کھلاڑی قرار دیے جانے پر خصوصی مبارکباد بھی پیش کی اور کہا کہ ان کی شاندار بولنگ نے سیریز میں نمایاں کردار ادا کیا۔