ڈکیتی کے دوران معصوم بچی نے ڈاکو کو لالی پوپ پیش کردی، بچی کا عمل دیکھ کر ڈاکو کا دل پگھل گیا، باپ کا لوٹا ہوا سامان واپس کر کے فرار ہو گیا

لاہور(ڈیلی پاکستان آن لائن) معصوم بیٹی کے عمل نے باپ کو ڈاکوؤں سے لٹنے سے بچا لیا۔ بیٹی کے اس عمل کی ویڈیو انٹرنیٹ پر وائرل ہوگئی۔ وائرل ہونے والی ویڈیو میں دیکھا جا سکتا ہے کہ ایک ڈاکو دکان پر بیٹھے ایک شخص کو لوٹنے آتا ہے اور اس پر تشدد کرتا ہے۔ ڈاکو کے ڈر سے شخص ایک جیب سے موبائل نکالتا ہے اور دوسری جیب سے پیسے نکال کر رکھ دیتا ہے۔

یہ بھی پڑھیں: سیاسی اختلافات ہو سکتے ہیں لیکن وطن کی حفاظت کیلیے ہم یکجا ہیں: مولانا فضل الرحمٰن

بچی کی جرات مندی

یہ دیکھتے ہوئے اس کے برابر میں بیٹھی بچی اپنے ہاتھ میں تھاما لالی پاپ بھی ڈاکو کو پیش کر دیتی ہے جسے دیکھ کر ڈاکو موبائل اور پیسے واپس کرتا ہے اور بچی کو پیار کر کے ساتھی کے ساتھ بائیک پر بیٹھ کر فرار ہوجاتا ہے۔ واضح رہے ویڈیو ممکنہ طور پر ایک روز قبل سوشل میڈیا پر اپ لوڈ ہوئی ہے۔ البتہ، ویڈیو پر صارفین اس کی صداقت کے حوالے سے سوال اٹھا رہے ہیں۔ کچھ صارفین نے اس کو اسکرپٹڈ جبکہ کچھ نے اس کو حقیقی قرار دیا ہے۔

سوشل میڈیا پر رد عمل

بیٹیاں رحمت بھی، راحت بھی، دلاری بھی،
باپ کے گھر کی سب سے نازوں سے پالی گئی پھول کاری بھی۔ pic.twitter.com/Kbbzxj5hCS

— Harmeet Singh (@HarmeetSinghPk) November 17, 2025