جمہوریہ کانگو، وزیر کے طیارے کو آگ لگ گئی، مسافر محفوظ
حادثے سے بچ جانے والی وفد
جمہوریہ کانگو کے وزیر اور وفد موت کے منہ سے بچ گئے، طیارہ رن وے سے اتر کر آگ پکڑ گیا۔
یہ بھی پڑھیں: انگلش ٹیم کے پاکستانی نژاد سپنرز: “رضوان نے کہا لڑکے کو اردو آتی ہے، تو ہم پشتو میں بات کریں”
واقعہ کی تفصیلات
کنساشا (ڈیلی پاکستان آن لائن) افریقی ملک جمہوریۂ کانگو کے کان کنی کے وزیر لوئس واتوم کابامبا اور ان کے ہمراہ موجود وفد ایک بڑے حادثے سے بال بال بچ گئے۔ ان کا طیارہ لینڈنگ کے دوران رن وے سے پھسل کر آگ کی لپیٹ میں آ گیا۔ انادولو ایجنسی کے مطابق واقعہ پیر کی صبح جنوبی کانگو کے صوبہ لوالابا کے شہر کولوِزی کے ہوائی اڈے پر پیش آیا۔
یہ بھی پڑھیں: گلگت بلتستان اسمبلی کے عام انتخابات کی تاریخ کا باضابطہ اعلان
طیارے کے حادثے کی وجوہات
وزیر کے کمیونیکیشن ایڈوائزر، آئزک نیمبو کے مطابق طیارہ دارالحکومت کنشاسا سے اڑان بھر کر کولوِزی پہنچا تھا کہ لینڈنگ کے وقت رن وے سے ہٹ گیا۔ چند ہی لمحوں بعد طیارے میں آگ بھڑک اٹھی۔
یہ بھی پڑھیں: ویڈیو: ہونڈا ایچ آر وی کا نیا ماڈل لانچ کر دیا گیا، کیا نئے فیچرز ہیں؟ قیمت کتنی ہے؟ جانیے
مسافروں کی بحفاظت نکاسی
افسر نے بتایا کہ طیارے میں سوار تقریباً 20 مسافروں کو آگ لگنے سے پہلے ہی بحفاظت باہر نکال لیا گیا، البتہ سامان جل کر خاکستر ہوگیا۔
یہ بھی پڑھیں: محسن نقوی کی ریلوے ہیڈ کوارٹرز آمد، حنیف عباسی کے زیر صدارت خصوصی اجلاس میں شرکت، اہم فیصلے
سوشل میڈیا پر ویڈیوز
سوشل میڈیا پر سامنے آنے والی ویڈیو میں دیکھا جاسکتا ہے کہ طیارے کے پچھلے حصے میں آگ لگی ہوئی ہے۔ اس دوران طیارے کے اندر موجود افراد دروازہ کھول کر تیزی سے طیارے سے باہر نکلتے ہیں اور بھاگ کر محفوظ فاصلے پر چلے جاتے ہیں۔
وزیر کا دورہ
وزیر اور ان کا وفد کولوِزی میں کلونڈو مائن کا جائزہ لینے جا رہے تھے، جہاں ہفتے کے روز ایک افسوسناک حادثے میں 32 کان کن ہلاک ہو گئے تھے۔
