کراچی کے پوش علاقے سے لڑکی کی پھندا لگی لاش برآمد

کراچی میں لڑکی کی پراسرار موت

کراچی (ڈیلی پاکستان آن لائن) کے پوش علاقے ڈیفنس سے ایک لڑکی کی پھندا لگی لاش ملی ہے۔

یہ بھی پڑھیں: لاہور میں انسانیت سوز واقعہ، پڑوس میں پانی لینے گئی بچی کے ساتھ زیادتی، شور مچانے پر فرار

تفصیلات

پولیس کا بتانا ہے کہ زینب زوجہ زین عمر کی پھندا لگی لاش ڈیفنس فیز 5 بدر کمرشل کے فلیٹ سے ملی ہے۔ ابتدائی طور پر واقعہ خودکشی لگ رہا تھا تاہم مزید تفتیش کے دوران خودکشی کا معاملہ مشکوک لگ رہا ہے۔ لاش کا پوسٹ مارٹم ہونے کے بعد صورتحال واضح ہوگی۔

یہ بھی پڑھیں: غلطی یا۔۔۔؟ ’’ورلڈ ڈیفنس شو 2026 ‘‘میں بھارت نے ایرانی ڈرون کی نقل متعارف کروادی

شادی اور رہائش

پولیس کے مطابق لڑکی کا تعلق سیالکوٹ سے ہے اور اس کی ایک ماہ قبل شادی ہوئی تھی۔ شادی کے بعد لڑکی اپنے شوہر کی خالہ کے گھر رہائش پذیر تھی جبکہ واقعے کے وقت شوہر گھر پر موجود نہیں تھا۔

تحقیقات

پولیس کا بتانا ہے کہ متوفی خاتون کا شوہر سکیورٹی ادارے کا ملازم ہے۔ معاملے کی ہر پہلو سے تحقیقات شروع کر دی گئی ہیں۔