شاہ لطیف ٹاؤن میں پولیس نے شوہر کو قتل کرنے والی نوجوان بیوی اور اس کے آشنا کو گرفتار کر لیا

کراچی میں اندھے قتل کا معمہ حل

کراچی (ڈیلی پاکستان آن لائن) شاہ لطیف ٹاؤن پولیس نے شہری کے اندھے قتل کا معمہ حل کرتے ہوئے مقتول کی بیوی اور اس کے دوست کو گرفتار کرلیا۔

یہ بھی پڑھیں: وزیراعظم کا 4 ملکی دورہ مکمل، تاجکستان سے وطن واپس پہنچ گئے

واقعہ کی تفصیلات

ایکسپریس کے مطابق، جمعہ کو شاہ لطیف ٹاؤن کے کوہی گوٹھ کے علاقے میں کلہاڑی کے وار کرکے 30 سالہ امین ولد پیارو نامی شہری کو قتل کردیا گیا تھا۔ پولیس نے واقعے کا مقدمہ درج کرکے تفتیش شروع کردی تھی۔

یہ بھی پڑھیں: چیف الیکشن کمشنر کراچی بار مستعفی

گرفتاری کی معلومات

پولیس نے دوران تفتیش خفیہ اطلاعات اور ذرائع کی مدد سے کارروائی کی اور خاتون سمیت دو ملزمان کو گرفتار کرلیا جن کی شناخت آمنہ اور علی اکبر کے نام سے ہوئی۔

یہ بھی پڑھیں: بھارت میں نوجوان لڑکی اپنے ہی دیور کے ساتھ گھر سے بھاگ گئی لیکن کیوں؟ حیران کن وجہ سامنے آ گئی

تفتیش کی تفصیلات

تفتیش کے دوران معلوم ہوا کہ گرفتار ملزمہ آمنہ اور ملزم علی اکبر کے درمیان چند ماہ قبل دوستی ہوئی تھی، جس کے بعد دونوں نے منصوبہ بندی کے تحت قتل کا فیصلہ کیا۔

تحقیقات سے یہ بھی سامنے آیا کہ ملزم علی اکبر نے اپنے ساتھی غلام حسین کے ساتھ مل کر کلہاڑی کے وار سے مقتول کو قتل کیا، آمنہ نے اپنے شوہر کے قتل کے لیے علی اکبر کو اُکسایا اور مکمل معاونت فراہم کی۔

مزید معلومات

دورانِ تفتیش گرفتار ملز م نے انکشاف کیا کہ غلام حسین نے واردات کے عوض 40 ہزار روپے سے زائد رقم کا مطالبہ کیا تھا، جس پر منصوبہ بندی کی گئی۔

پولیس نے دونوں مرکزی ملزمان کو حراست میں لے لیا ہے اور مزید تفتیش جاری ہے، جبکہ تیسرے ملزم کی گرفتاری کے لیے چھاپے مارے جارہے ہیں۔