بزمِ بزرگان ریاض کی تقریب، پاکستانی کمیونٹی کے نمایاں افراد کی شرکت

بزمِ بزرگانِ ریاض کی شاندار محفل

ریاض (وقار نسیم وامق) بزمِ بزرگانِ ریاض نے اپنی درخشاں روایت کو برقرار رکھتے ہوئے ایک شاندار اور پررونق محفل کا اہتمام کیا، تقریب میں علم و ادب، سیاسی و سماجی اور کاروباری دنیا کے معتبر افراد یکجا ہوئے۔

یہ بھی پڑھیں: یہ کیسی مفاہمت ہے کہ ارکان کا حلف اُٹھانے کا راستہ روک دیا گیا؟سینیٹر عرفان صدیقی

میزبانی اور صدارت

تقریب کے میزبان ڈائریکٹر مکتبہ دارالسلام فضیلة الشیخ مولانا عبدالمالک مجاہد تھے، صدارت چیئرمین بزمِ بزرگانِ ریاض بابائے ریاض قاضی محمد اسحاق میمن نے کی جبکہ نظامت کے فرائض سیکرٹری جنرل وقار نسیم وامق نے بخوبی ادا کئے۔

یہ بھی پڑھیں: اسلام آباد میں دفعہ 144 نافذ، خلاف ورزی کرنیوالوں کیخلاف آپریشن ہو گا: محسن نقوی

مہمانانِ خصوصی

تقریب کے مہمانانِ خصوصی میں لاہور سے پاکستانی کمیونٹی ریاض کے دیرینہ ساتھی اور ادبی و سماجی شخصیت محمد تنویر میاں، پاکستان پیپلز پارٹی کے جنرل سیکرٹری برائے مڈل ایسٹ سنیئر سیاستدان محمد خالد رانا، کراچی سے تشریف لانیوالے معروف سنیئر شاعر شجاع الزمان خان شاد اور تولین سویٹس کے روحِ رواں چوہدری عابد شامل تھے۔

یہ بھی پڑھیں: بین الاقوامی پانیوں میں بغیر کسی پیشگی انتباہ کے ایرانی بحریہ کے فریگیٹ ڈینا کونشانہ بنانے پر امریکی کو سخت پچھتاوا ہوگا، سید عباس عراقچی

کلامِ محمد تنویر میاں

محمد تنویر میاں نے پرتاثیر حمدیہ و نعتیہ کلام پیش کرکے سامعین کے دلوں کو نورِ ایمان سے منور کر دیا۔ ہر مصرعہ میں عقیدت کی خوشبو اور ہر لفظ میں محبتِ الٰہی و رسالتٌ کی روشنی جھلکتی رہی۔ حاضرین نے نہ صرف ان کے کلام کو دل کی گہرائیوں سے سراہا بلکہ دیر تک وجدانی کیفیت میں محو رہے۔

محمد تنویر میاں نے اس موقع پر کلامِ فیض بھی پیش کیا، جس نے محفل کو ایک فکری رنگ سے آشنا کیا۔ فیض کے اشعار کی تاثیر اور تنویر میاں کی دلنشین آواز نے سامعین کو مسحور کر دیا۔

یہ بھی پڑھیں: مریم نواز خود کو اور پاپا کو زبردستی ہیرو بنانے کی ناکام کوشش کر رہی ہیں: بیرسٹر سیف

نئی آوازیں

اس موقع پر ناظمِ تقریب وقار نسیم وامق نے اشعار جبکہ نوجوان شاعر اور ڈپٹی سیکرٹری جنرل عالمی حلقۂ فکر و فن کامران حسانی نے اپنی نظم “اہلِ ریاض کے نام” پیش کی، جسے حاضرین نے بے حد پسند کیا۔

کراچی سے تشریف لانے والے سنیئر شاعر شجاع الزمان خان شاد نے اپنا منتخب کلام پیش کرکے نہ صرف حاضرین کے دلوں کو موہ لیا بلکہ محفل کو ادبی جمالیات اور فکری رفعت سے مالا مال کر دیا۔ ان کے اشعار میں وہ تاثیر تھی جو دلوں کو چھو جائے اور وہ نغمگی تھی جو دیر تک سماعتوں میں گونجتی رہے۔

یہ بھی پڑھیں: پاکستان اور سری لنکا سیریز کے لیے میچ آفیشلز کا اعلان کردیا گیا

سیاسی بصیرت

سنیئر سیاستدان محمد خالد رانا نے اپنی گفتگو میں سیاست، ادب اور سماج کو ایک دوسرے کا لازمی جزو قرار دیا، ان کے خیالات میں وہ گہرائی اور بصیرت تھی جو نہ صرف سیاسی شعور کو جِلا بخشتی ہے بلکہ ادب کی لطافت اور سماج کی ضرورت کو بھی یکجا کرتی ہے۔

انہوں نے سماج کو ان دونوں کا مرکز قرار دیتے ہوئے کہا کہ حقیقی قیادت وہی ہے جو عوامی خدمت کو ادب کی لطافت اور سیاست کی بصیرت کے ساتھ آگے بڑھائے۔

یہ بھی پڑھیں: اقبال سنگھیڑا کو ایک معروف یوٹیوبر کے ساتھ والی بیرک میں رکھا گیا تھا، اجمل جامی کا دعویٰ

تجربات کی شیئرنگ

پاکستانی کمیونٹی ریاض کی کاروباری دنیا کے معتبر نام چوہدری عابد نے تقریب میں خصوصی طور پر شرکت کی اور اپنی محبت و خلوص کے ساتھ تولین سویٹس کی لذیذ مٹھائیوں سے محفل میں مٹھاس بھر دی۔ انہوں نے کہا کہ بزمِ بزرگان کی محافل کا انعقاد باقاعدگی سے ہونا چاہئے تاکہ وارثان ان کے علم اور تجربہ سے استفادہ حاصل کرتے رہیں۔

یہ بھی پڑھیں: امریکہ نے اسرائیل کے ایران پر جوابی حملے پر رد عمل جاری کر دیا

قرآن کی طرف رغبت

تقریب سے مرکزی خطاب کرتے ہوئے میزبان فضیلة الشیخ مولانا عبدالمالک مجاہد نے حاضرین کو قرآنِ کریم کی جانب راغب ہونے کی تلقین کی۔ ان کی گفتگو کا مرکز آپسی لڑائی جھگڑوں سے بچنا اور باہمی پیار و محبت و یگانگت کو فروغ دینا تھا۔

یہ بھی پڑھیں: قائداعظم یونیورسٹی اسلام آباد کے گرلز ہاسٹل میں داخل ہونے والا نوجوان کیسے پکڑا گیا؟ تفصیلات سامنے آ گئیں

شکریہ اور دعا

چیئرمین بزمِ بزرگانِ ریاض قاضی محمد اسحاق میمن، صدر ڈاکٹر محمود احمد باجوہ، نائب صدر مخدوم امین تاجر اور سیکرٹری جنرل وقار نسیم وامق نے حاضرین کا شکریہ ادا کیا اور اس روایت کو آگے بڑھانے کے عزم کا اعادہ کیا۔

یہ بھی پڑھیں: کراچی کنگز میں شامل متحدہ عرب امارات کے دو کھلاڑیوں کو امارتی کرکٹ بورڈ نے وطن واپس بلالیا

تقریب کی خاص مناسبتیں

تقریب میں صدر پاک میڈیا فورم ذکاء اللہ محسن اور ڈائریکٹر مکتبہ دارالسلام مولانا عبدالمالک مجاہد کی سالگرہ بھی منائی گئی۔

یہ بھی پڑھیں: بہادر فورسز دہشتگردوں کے مذموم عزائم ناکام بنانے کیلیے پوری طرح چوکس ہیں: محسن نقوی

فرحت بخش تحفہ

بزمِ بزرگانِ ریاض کی محفل میں مولانا عبدالمالک مجاہد نے دارالسلام کی جانب سے تمام حاضرین کو کتاب کا خوبصورت تحفہ پیش کیا، جسے حاضرین نے بے حد سراہا۔

عشائیے کا اہتمام

آخر میں میزبان کی جانب سے حاضرین کے اعزاز میں پرتکلف عشائیہ پیش کیا گیا۔