ایشیا کپ رائزنگ سٹارز، پاکستان شاہینز نے یو اے ای کو شکست دےکر سیمی فائنل کے لیے کوالیفائی کرلیا

پاکستان شاہینز کی شاندار فتح

دوحہ (ڈیلی پاکستان آن لائن) ایشیا کپ رائزنگ اسٹارز میں پاکستان شاہینز ٹیم ناقابل شکست رہتے ہوئے متحدہ عرب امارات (یو اے ای) کو 9 وکٹوں سے شکست دے کر سیمی فائنل میں پہنچ گئی۔

یہ بھی پڑھیں: پشاور، اب آپ کی باری، پاک ویلز آٹو شو سجنے کو تیار ہے!

میچ کی تفصیلات

قطر کے دارالحکومت دوحہ کے ویسٹ اینڈ پارک انٹرنیشنل کرکٹ اسٹیڈیم میں کھیلے گئے میچ میں یو اے ای نے ٹاس جیت کر پہلے بیٹنگ کی، تاہم پاکستانی باؤلرز کی عمدہ کارکردگی نے حریف ٹیم کو 18 اوورز میں صرف 59 رنز پر ہی ڈھیر کر دیا۔

یہ بھی پڑھیں: خواتین کو ہر میدان میں آگے بڑھتے دیکھنے کا قائل ہوں: وزیر تعلیم رانا سکندر حیات

پاکستان شاہینز کی بیٹنگ

پاکستان شاہینز نے 60 رنز کا ہدف صرف 5.2 اوورز میں ایک وکٹ کے نقصان پر حاصل کر لیا۔ جنازہ میں معاذ صداقت ایک بار شاندار بیٹنگ کرتے ہوئے 4 چوکوں اور 3 چھکوں کی مدد سے 37 رنز بناکر ناٹ آؤٹ رہے۔

یہ بھی پڑھیں: ملٹری کورٹ سے سزا کیخلاف اپیل ؛لاہور ہائیکورٹ کی وفاقی سیکرٹری قانون کو معاملہ کابینہ میں پیش کرنے کیلئے 10دن کی مہلت

باؤلنگ کی شاندار کارکردگی

پاکستان شاہینز کی طرف سے سفیان مقیم نے 12 رنز دے کر 3 وکٹیں حاصل کیں، احمد دانیال اور معاذ صداقت نے بالترتیب 7 اور 19 رنز دے کر 2، 2 کھلاڑی آؤٹ کیے، جبکہ شاہد عزیز، محمد شہزاد اور عرفات منہاس نے ایک، ایک وکٹ حاصل کی۔

یہ بھی پڑھیں: عالیہ حمزہ نے شیخ وقاص اکرم کے میسجز لیک کر دیئے، غصے میں شکوہ کیا تو شکوے کے میسج بھی لیک کردیئے۔

ماضی کی کارکردگی

معاذ صداقت نے عمان کے خلاف 96 اور بھارت اے کے خلاف 79 رنز بنائے تھے اور دونوں مرتبہ ناٹ آؤٹ رہے تھے۔ محمد نعیم ایک چھکے کی مدد سے 6 رنز بناکر آؤٹ ہوئے، غازی غوری 3 چوکوں کی مدد سے 16 رنز کے ساتھ ناٹ آؤٹ رہے۔

سیمی فائنلز کی تاریخ

ٹورنامنٹ کے دونوں سیمی فائنلز 21 نومبر کو کھیلے جائیں گے۔ واضح رہے کہ پاکستان نے اپنے ابتدائی دونوں میچز میں بالترتیب عمان اور روایتی حریف بھارت کو شکست دی تھی۔