جس صوبے کی اسمبلی نے قیام پاکستان کی بنیاد ڈالی اُسے ٹکڑوں میں تقسیم کرنے کی سازش پاکستان اور نظریہ پاکستان کے خلاف ہوگی،ناصر حسین شاہ

کراچی (ڈیلی پاکستان آن لائن) پی پی رہنما سید ناصر حسین شاہ نے کہا ہے کہ جس صوبے کی اسمبلی نے قیام پاکستان کی بنیاد رکھی، اُسے ٹکڑوں میں تقسیم کرنے کی سازش نہ صرف کسی قوم کے خلاف ہوگی، بلکہ یہ پاکستان اور نظریہ پاکستان کے خلاف بھی ہوگی۔

تاریخی پس منظر

انہوں نے اپنے ایکس بیان میں مزید کہا کہ 3 مارچ 1943 کو قائد اعظم کے حکم پر سندھ کی اسمبلی نے قرارداد پاکستان کی سب سے پہلی توثیق کی، اور پھر قیام پاکستان کی تحریک نے ایسی قوت پکڑی کہ پاکستان بن کر رہا جبکہ ہندوستان بٹ کر رہا۔

جس صوبے کی اسمبلی نے قیام پاکستان کی بنیاد ڈالی اُسے ٹکڑوں میں تقسیم کرنے کی سازش نہ کسی قوم کے خلاف ہوگی نہ کسی جماعت کے خلاف ہوگی بلکہ پاکستان اور نظریہ پاکستان کے خلاف ہوگی۔
یاد رہے 3 مارچ 1943 کو قائد اعظم کے حکم پر یہ سندھ کی اسمبلی تھی جس نے قرارداد پاکستان کی سب سے پہلے توثیق کی۔

— Syed Nasir Hussain Shah (@SyedNasirHShah) November 18, 2025