پاکستان کے اہم ریاستی اداروں پر 2 بڑے سائبر حملے ناکام بنائے جانے کا انکشاف
پاکستان کے اہم اداروں پر سائبر حملے ناکام
اسلام آباد (ڈیلی پاکستان آن لائن) پاکستان کے اہم ریاستی اداروں پر دو بڑے سائبر حملے ناکام بنا دیئے گئے ہیں۔ حکومت نے سائبر سیکیورٹی اتھارٹی قائم کرنے کے لئے کام تیز کر دیا ہے۔
یہ بھی پڑھیں: صادق آباد: کچے کے ڈاکوؤں کا پولیس چوکی پر حملہ، 5 جوان شہید، 2 زخمی
سائبر حملوں کی تفصیلات
سما ٹی وی کے مطابق نیشنل ٹیلی کمیونیکیشن کارپوریشن کے ایم ڈی میجر جنرل (ر یٹائرڈ) علی فرحان نے قومی اسمبلی کی قائمہ کمیٹی برائے آئی ٹی کو بتایا کہ گزشتہ ویک اینڈ پر دو بڑے سائبر حملے ہوئے جن میں حکومت کے تمام اداروں کو نشانہ بنانے کی کوشش کی گئی۔
ناکامی اور حفاظتی اقدامات
این ٹی سی کی ٹیموں نے دونوں بڑے سائبر حملے ناکام بنا دیئے، پاک بھارت تنازع کے دوران آئی ٹی و ٹیلی کام انفراسٹرکچر مکمل طور پر محفوظ رہا اور تمام سائبر حملوں کو ناکام بنا دیا گیا تھا۔ حکومتی سطح پر سائبر سیکیورٹی اتھارٹی بنائی جا رہی ہے۔
