لاہور میں سبق یاد نہ ہونے پر استاد نے 10 سالہ طالب علم کو بیہمانہ تشدد کا نشانہ بنا ڈالا

واقعہ کا پس منظر

لاہور (ڈیلی پاکستان آن لائن) ملت پارک کے علاقے میں ایک استاد نے 10 سالہ طالب علم آیان شہروز کو سبق یاد نہ ہونے پر بیہمانہ تشدد کا نشانہ بنایا۔

یہ بھی پڑھیں: شمالی علاقہ جات جانے والے گجرات کے 4 لاپتہ دوستوں کی گاڑی گلگت سے مل گئی لیکن گاڑی کے مسافروں کا کیا بنا؟ تفصیلات منظرعام پر

پولیس کارروائی

ایکسپریس نیوز کے مطابق، بچے نے گھر جا کر اپنی دادی کو اس واقعے سے آگاہ کیا، جس پر دادی مقدمہ درج کروانے کے لئے تھانے گئی اور پولیس نے دادی کی درخواست پر ایف آئی آر درج کر لی۔

یہ بھی پڑھیں: آئی ٹی برآمدات 25 ارب ڈالر تک پہنچانے کیلئے پرعزم ہیں:وزیراعظم

تشدد کی نوعیت

ایف آئی آر کے مطابق، استاد نے آیان کو پلاسٹک کے پائپ سے بری طرح مارا، جس کی وجہ سے اُس کے پیٹ اور جسم کے دیگر حصوں پر نشانات پڑ گئے۔

یہ بھی پڑھیں: مریم نواز نے جنید صفدر کی سیکیورٹی گاڑی کا چالان کرنے والی پولیس ٹیم کو شاباش دے دی

ڈی آئی جی کا نوٹس

مقدمہ درج ہونے کے بعد، ڈی آئی جی آپریشنز فیصل کامران نے واقعہ کا نوٹس لیتے ہوئے ملزم کی گرفتاری کی ہدایت کی، جس پر پولیس نے ملزم کو گرفتار کر لیا۔

حکومت کی پالیسی

فیصل کامران نے کہا کہ حکومت پنجاب کی ہدایت کے مطابق، بچے اور خواتین ریڈ لائن ہیں، اور بچوں و خواتین کے خلاف جرائم پر زیرو ٹالرنس کی پالیسی اپنائی گئی ہے۔