وزیرِ اطلاعات عظمیٰ بخاری کا آل پاکستان نیوزپیپرز سوسائٹی کی ایگزیکٹو کمیٹی کے اعزاز میں عشائیہ
عشائیہ کا انعقاد
لاہور (ڈیلی پاکستان آن لائن) پنجاب کی وزیرِ اطلاعات و ثقافت عظمیٰ بخاری نے آل پاکستان نیوزپیپرز سوسائٹی (APNS) کی ایگزیکٹو کمیٹی کے اراکین کے اعزاز میں عشائیہ دیا۔ عشائیہ میں ملک بھر سے اخبارات کے سینئر ناشرین، ایڈیٹرز اور میڈیا ہاؤسز کے سربراہان نے شرکت کی۔
یہ بھی پڑھیں: بسنت کے دنوں میں لیزر لائٹ کے استعمال پر پابندی، محکمہ داخلہ پنجاب نے دفعہ 144 نافذ کردی
صحافتی امور پر تبادلہ خیال
عشائیے کے دوران صحافتی مسائل، پرنٹ میڈیا کے چیلنجز، اشتہارات کی پالیسی، حکومت اور اخبارات کے درمیان بہتر تعاون سمیت کئی اہم امور پر تفصیلی تبادلۂ خیال کیا گیا۔ وزیرِ اطلاعات نے پرنٹ میڈیا کی خدمات کو سراہتے ہوئے یقین دلایا کہ پنجاب حکومت اخبارات کے مسائل ترجیحی بنیادوں پر حل کرے گی اور میڈیا انڈسٹری کی ترقی کے لیے ہر ممکن تعاون فراہم کرے گی۔
وزیرِ اطلاعات کا شکریہ
اے پی این ایس (APNS) کے اراکین نے وزیرِ اطلاعات کی دعوت کا شکریہ ادا کیا اور پنجاب حکومت کی میڈیا دوست پالیسیوں کو سراہا۔
