قومی کرکٹرز کو مختلف لیگز کے لیے این او سی جاری
قومی کرکٹرز کو این او سی جاری
لاہور (ڈیلی پاکستان آن لائن) قومی کرکٹرز کو مختلف لیگز کے لیے این او سی جاری کر دیے گئے ہیں۔
یہ بھی پڑھیں: سینئر صحافی مظہر اقبال ٹریفک حادثے میں جاں بحق
این او سی کی تفصیلات
نجی ٹی وی جیونیوز نے ذرائع سے دعویٰ کیا ہے کہ قومی کرکٹرز کو ابوظبی میں ٹی 10 لیگ اور آئی ایل ٹی ٹوئنٹی کے لیے این او سی جاری کیے گئے ہیں۔ ابوظبی کے لیے این او سی 25 نومبر تک اور دبئی کی ٹی ٹوئنٹی لیگ کے لیے 3 کرکٹرز کو 2 دسمبر سے 4 جنوری تک این او سی جاری کیے گئے ہیں۔
یہ بھی پڑھیں: وزارت اقتصادی امور کا ایکس اکاؤنٹ ریکور کرلیاگیا، ترجمان
منتخب کرکٹرز کے نام
دبئی کی ٹی ٹوئنٹی لیگ کے لیے فخر زمان، حسن نواز اور نسیم شاہ کو جب کہ ابوظبی کے لیے افتخار احمد، خواجہ نافع، آصف علی، سلمان ارشاد، محمد عامر، عرفات منہاس، عرفان خان، اعظم خان، شاہنواز دہانی، عباس آفریدی، عاکف جاوید، میر حمزہ، عبید شاہ اور زمان خان کو این او سی جاری کیے گئے ہیں۔
بگ بیش لیگ کے لئے این او سی
واضح رہے کہ بابر اعظم، محمد رضوان، شاہین آفریدی، شاداب خان، حارث رؤف اور حسن علی کو پہلے ہی بگ بیش لیگ (بی بی ایل) کے لیے این او سی مل چکے ہیں۔
