امریکہ نے غیر قانونی اور جرائم میں ملوث 200 بھارتیوں کو ملک بدر کر دیا

امریکا کی جانب سے بھارتی شہریوں کی ڈی پورٹیشن

نیویارک (ڈیلی پاکستان آن لائن) امریکا نے غیرقانونی اور جرائم میں ملوث 200 بھارتی شہریوں کو ڈی پورٹ کر دیا۔ اس میں بدنامِ زمانہ گینگسٹر انمول بشنوئی بھی شامل ہے۔

یہ بھی پڑھیں: کیا عورت کی جان اتنی سستی ہے کہ کسی بات پر رضامندی ظاہر نہ کرنے پر موت کے گھاٹ اتار دی جائےگی؟ فواد چوہدری کی اہلیہ نے سوال اٹھا دیا

ڈی پورٹ ہونے والوں کی تفصیلات

غیر ملکی خبر ایجنسی کے مطابق ڈی پورٹ ہونے والے بھارتیوں میں انمول بشنوئی، پنجاب میں مطلوب دو فرار ملزمان اور 197 غیرقانونی طور پر مقیم افراد شامل ہیں۔ انمول بشنوئی گرفتار گینگ لیڈر لارنس بشنوئی کا چھوٹا بھائی ہے اور بھارت میں کئی سنگین مقدمات میں مطلوب ہے۔

یہ بھی پڑھیں: بانی پی ٹی آئی کی بہنوں کی گرفتاری کے حوالے سے عظمیٰ بخاری کا بیان آ گیا

انمول بشنوئی کے مقدمات

بھارتی میڈیا کے مطابق انمول بشنوئی پر درج متعدد مقدمات میں سابق بھارتی وزیر بابا صدیق کے قتل اور اداکار سلمان خان کے گھر کے باہر فائرنگ کے کیسز بھی شامل ہیں۔

یہ بھی پڑھیں: پاکستان نے بھی بھارت کو اپنے جوابی فیصلوں سے متعلق تحریری طور پر آگاہ کردیا

پناہ گزینی کی کوششیں

بھارتی خفیہ اداروں کے مطابق انمول نے اپریل 2022 میں جعلی پاسپورٹ کا استعمال کرتے ہوئے بھارت سے فرار حاصل کی۔ چند ہفتے بعد، 29 مئی کو گلوکار سدھو موسے والا کا قتل کیا گیا۔

یہ بھی پڑھیں: اعظم سواتی کے خلاف اسلام آباد میں 15 مقدمات درج، درخواست نمٹا دی گئی

گینگ کی بین الاقوامی سرگرمیاں

خیال کیا جاتا ہے کہ انمول جعلی روسی دستاویزات کے ذریعے امریکا اور کینیڈا کے درمیان منتقل ہوتا رہا جب تک کہ اسے ٹریک کر کے حراست میں نہیں لیا گیا۔

تفتیشی الزامات

تفتیش کاروں کا الزام ہے کہ انمول نے بیرون ملک سے اینکرپٹڈ کمیونیکیشن چینلز کے ذریعے گینگ آپریشنز کی ہدایات جاری رکھیں۔