امریکہ نے غیر قانونی اور جرائم میں ملوث 200 بھارتیوں کو ملک بدر کر دیا

امریکا کی جانب سے بھارتی شہریوں کی ڈی پورٹیشن

نیویارک (ڈیلی پاکستان آن لائن) امریکا نے غیرقانونی اور جرائم میں ملوث 200 بھارتی شہریوں کو ڈی پورٹ کر دیا۔ اس میں بدنامِ زمانہ گینگسٹر انمول بشنوئی بھی شامل ہے۔

یہ بھی پڑھیں: مایوس نہ ہوں، آپ کے مقدمات کا انجام بھی میرے کیس جیسا ہوگا: جاوید ہاشمی

ڈی پورٹ ہونے والوں کی تفصیلات

غیر ملکی خبر ایجنسی کے مطابق ڈی پورٹ ہونے والے بھارتیوں میں انمول بشنوئی، پنجاب میں مطلوب دو فرار ملزمان اور 197 غیرقانونی طور پر مقیم افراد شامل ہیں۔ انمول بشنوئی گرفتار گینگ لیڈر لارنس بشنوئی کا چھوٹا بھائی ہے اور بھارت میں کئی سنگین مقدمات میں مطلوب ہے۔

یہ بھی پڑھیں: خیبرپختونخوا کے 13 اضلاع میں 7 روز کے لئے دفعہ 144 نافذ

انمول بشنوئی کے مقدمات

بھارتی میڈیا کے مطابق انمول بشنوئی پر درج متعدد مقدمات میں سابق بھارتی وزیر بابا صدیق کے قتل اور اداکار سلمان خان کے گھر کے باہر فائرنگ کے کیسز بھی شامل ہیں۔

یہ بھی پڑھیں: سونے کی فی تولہ قیمت میں 4300 روپے کی کمی

پناہ گزینی کی کوششیں

بھارتی خفیہ اداروں کے مطابق انمول نے اپریل 2022 میں جعلی پاسپورٹ کا استعمال کرتے ہوئے بھارت سے فرار حاصل کی۔ چند ہفتے بعد، 29 مئی کو گلوکار سدھو موسے والا کا قتل کیا گیا۔