امریکہ نے غیر قانونی اور جرائم میں ملوث 200 بھارتیوں کو ملک بدر کر دیا
امریکا کی جانب سے بھارتی شہریوں کی ڈی پورٹیشن
نیویارک (ڈیلی پاکستان آن لائن) امریکا نے غیرقانونی اور جرائم میں ملوث 200 بھارتی شہریوں کو ڈی پورٹ کر دیا۔ اس میں بدنامِ زمانہ گینگسٹر انمول بشنوئی بھی شامل ہے۔
یہ بھی پڑھیں: گیلپ پاکستان نے بزنس کانفیڈنس کے حوالے سے سروے جاری کردیا
ڈی پورٹ ہونے والوں کی تفصیلات
غیر ملکی خبر ایجنسی کے مطابق ڈی پورٹ ہونے والے بھارتیوں میں انمول بشنوئی، پنجاب میں مطلوب دو فرار ملزمان اور 197 غیرقانونی طور پر مقیم افراد شامل ہیں۔ انمول بشنوئی گرفتار گینگ لیڈر لارنس بشنوئی کا چھوٹا بھائی ہے اور بھارت میں کئی سنگین مقدمات میں مطلوب ہے۔
یہ بھی پڑھیں: میں ویسا باپ نہیں بنوں گا جیسے میرے والد تھے: عثمان مختار
انمول بشنوئی کے مقدمات
بھارتی میڈیا کے مطابق انمول بشنوئی پر درج متعدد مقدمات میں سابق بھارتی وزیر بابا صدیق کے قتل اور اداکار سلمان خان کے گھر کے باہر فائرنگ کے کیسز بھی شامل ہیں۔
یہ بھی پڑھیں: پشاور میں فریقین کے درمیان فائرنگ سے 6 افراد جاں بحق
پناہ گزینی کی کوششیں
بھارتی خفیہ اداروں کے مطابق انمول نے اپریل 2022 میں جعلی پاسپورٹ کا استعمال کرتے ہوئے بھارت سے فرار حاصل کی۔ چند ہفتے بعد، 29 مئی کو گلوکار سدھو موسے والا کا قتل کیا گیا۔
یہ بھی پڑھیں: قومی سلامتی کمیٹی اجلاس: صحافی کے سوال پر خواجہ آصف کی کانوں کو ہاتھ لگاکر معذرت
گینگ کی بین الاقوامی سرگرمیاں
خیال کیا جاتا ہے کہ انمول جعلی روسی دستاویزات کے ذریعے امریکا اور کینیڈا کے درمیان منتقل ہوتا رہا جب تک کہ اسے ٹریک کر کے حراست میں نہیں لیا گیا۔
تفتیشی الزامات
تفتیش کاروں کا الزام ہے کہ انمول نے بیرون ملک سے اینکرپٹڈ کمیونیکیشن چینلز کے ذریعے گینگ آپریشنز کی ہدایات جاری رکھیں۔
