کراچی میں 28 سال قبل چوری ہونے والی کار کا 10 ہزار روپے کا ای چالان موصول

کراچی میں فائیو اسٹار ہوٹل کی چوری شدہ کار کی واپسی

کراچی (ڈیلی پاکستان آن لائن) شہر قائد میں فائیو اسٹار ہوٹل کو 28 سال قبل چوری ہونے والی کار کا 10 ہزار روپے کا ای چالان موصول ہو گیا۔

یہ بھی پڑھیں: سکیورٹی فورسز کی خیبر پختونخوا کے مختلف علاقوں میں کارروائیاں، 9 خوارج ہلاک

چوری کی تفصیلات

مقامی فائیو اسٹار ہوٹل کی ملکیت ایک کار نمبر AAR-540 مئی 1997 کو شاہراہ فیصل پر فیاض سینٹر کے قریب کار پارکنگ سے چوری ہو گئی تھی۔ جس کی ایف آئی آر 122/97 صدر تھانے میں ہوٹل ملازم زاہد کی مدعیت میں 22 مئی 1997 کو درج کرائی گئی تھی۔

یہ بھی پڑھیں: وزیراعلیٰ مریم نواز سے ”سکھ آف امریکہ“ کے بانی چیئرمین چندہوک کی سربراہی میں 7رکنی وفدکی ملاقات

پولیس کی کاروائی

پولیس 28 سال میں اب تک وہ چوری ہونے والی گاڑی برآمد نہ کر سکی مگر گزشتہ ہفتے ہوٹل انتظامیہ کو ٹریفک قوانین کی خلاف ورزی کرنے پر گاڑی کی نمبر پلیٹ پر 10 ہزار روپے کا ای چالان موصول ہو گیا۔

ہوٹل انتظامیہ کا موقف

ہوٹل انتظامیہ نے پورا جرمانہ بھرنے کی حامی بھری ہے مگر اس کیساتھا شرط رکھی ہے کہ پہلے کراچی پولیس مسروقہ گاڑی برآمد کرکے دکھائے۔