سونم کپور کی اسٹائلش فوٹوشوٹ کے ساتھ دوسرے بچے کی آمد کی تصدیق
سونم کپور کا دوسرا حمل: تصدیق
ممبئی(ڈیلی پاکستان آن لائن) کئی ہفتوں تک جاری رہنے والی قیاس آرائیوں کے بعد بالی ووڈ اداکارہ سونم کپور نے اپنے دوسرے حمل کی باضابطہ تصدیق کر دی ہے۔
یہ بھی پڑھیں: بشریٰ بی بی کو کوئی چھوڑ کر نہیں گیا، ان سمیت سب بھاگے تھے: خواجہ آصف
افواہوں کا بازار
گزشتہ دو ماہ سے سوشل میڈیا پر 40 سالہ سونم کپور اور ان کے شوہر آنند آہوجا کے ہاں دوسرے بچے کی آمد کے حوالے سے افواہیں چل رہی تھیں، مگر سونم یا ان کے اہل خانہ کی جانب سے کوئی تردید یا تصدیق نہیں کی گئی۔
یہ بھی پڑھیں: واہگہ بارڈر پاکستانی شہریوں کے لیے کھلا رہے گا، دفتر خارجہ کی بھارتی میڈیا رپورٹس کی تردید، وضاحت آگئی
کروا چوتھ کی تقریب کا اثر
چند دن پہلے سونم کے والد اداکار انیل کپور کے گھر میں منعقد ہونے والی ’کروا چوتھ‘ تقریب میں ان کی شرکت نے چہ مگوئیوں کو مزید بڑھا دیا۔ سونم وہاں فوٹوگرافروں کے سامنے آنے کے بجائے گاڑی میں بیٹھ رہی تھیں۔
یہ بھی پڑھیں: پنجاب ٹرانسپورٹ کمپنی ہیڈکوارٹرز اور ای وی کمانڈ اینڈ کنٹرول سینٹر کا افتتاح، محفوظ اور جدید پبلک ٹرانسپورٹ اولین ترجیح ہے: مریم نواز
انسٹاگرام پر تصدیق
اب سونم کپور نے انسٹاگرام پر ایک دلکش فوٹو شوٹ کے ذریعے اپنے دوسرے حمل کی تصدیق کی ہے۔ شیئر کی گئی تصاویر میں، انہوں نے ایک گلابی کوٹ کے لباس کے ساتھ بلیک ٹائٹس اور ہائی ہیلز پہن رکھی ہیں۔ ان کی سٹائلنگ میں کالے رنگ کا ہینڈ بیگ اور سن گلاسز نے ان کے انداز کو مزید نکھار دیا ہے۔ لیکن، سب کی توجہ ان کے نمایاں ’بیبی بمپ‘ پر مرکوز رہی، جسے وہ تصویر میں تھامے ہوئے نظر آئیں۔
مبارکباد کا سلسلہ
انہوں نے پوسٹ کے کیپشن میں صرف ایک لفظ ’Mother‘ لکھ کر مداحوں کو پھر سے ماں بننے کی خوشخبری سُنائی، جبکہ ان کے شوہر نے کمنٹ سیکشن میں “double trouble” لکھ کر خوشخبری کو مزید واضح کر دیا۔
سونم کپور کی جانب سے دوسرے بچے کے آنے کی تصدیق کے بعد مداحوں اور ساتھی فنکاروں کی جانب سے مبارکباد دینے کا سلسلہ شروع ہوگیا۔
