لاہور ہائی کورٹ کی سڑکوں پر دھواں چھوڑتی گاڑیوں کے خلاف کارروائیاں تیز کرنے کی ہدایت

لاہور ہائیکورٹ کا فیصلہ

لاہور(ڈیلی پاکستان آن لائن) لاہور ہائیکورٹ کے جسٹس شاہد کریم نے نیلا گنبد پراجیکٹ میں تاریخی ورثے کو محفوظ بنانے کو خوش آئند قرار دیا، عدالت نے سڑکوں پر دھواں چھوڑتی گاڑیوں کے خلاف کارروائیاں تیز کرنے کی ہدایت کر دی۔

یہ بھی پڑھیں: بھارت اکتوبر میں پاکستان پر حملہ کرسکتا ہے، سابق سیکرٹری خارجہ اعزاز چودھری

درخواستوں کی سماعت

نجی ٹی وی چینل دنیا نیوز کے مطابق لاہور ہائیکورٹ کے جسٹس شاہد کریم نے شہری ہارون فاروق سمیت دیگر کی درخواستوں پر سماعت کی۔

یہ بھی پڑھیں: پی ٹی آئی رہنماؤں سے جیل میں ملاقات کرنے کا معاملہ، اعظم سواتی کی درخواست خارج

ایئر کوالٹی انڈیکس

دوران سماعت عدالت نے ریمارکس دیئے کہ بہاولپور میں اس وقت سب سے زیادہ ایئر کوالٹی انڈیکس ریکارڈ ہو رہا ہے، اس کی سب سے بڑی وجہ ہیوی ٹریفک ہے، سڑکوں پر ابھی بھی دھواں چھوڑتی گاڑیاں نظر آتی ہیں۔

یہ بھی پڑھیں: اسلام آباد میں مقامی سطح پر 13 اگست کو عام تعطیل کا اعلان

محکمہ ماحولیات کی ذمہ داری

عدالت نے ریمارکس دیئے کہ محکمہ ماحولیات کے سینئر آفیسرز سڑکوں پر کھڑے نظر آنے چاہیے۔ آپ جب سڑکوں پر نظر آئیں گے تو لوگ خود احتیاط کریں گے، لاہور میں ابھی بھی بہت سے تعمیراتی کام جاری ہیں، تعمیراتی کاموں کی وجہ سے گرد ہی گرد ہے۔

یہ بھی پڑھیں: سٹاک ایکسچینج میں ایک اور ریکارڈ قائم،100انڈیکس 1لاکھ 5ہزار پوائنٹس کی سطح عبور کرگیا

اینٹی سموگ کی ناکامی

جسٹس شاہد کریم نے کہا کہ اینٹی سموگ کا کوئی فائدہ نہیں ہے اگر اتنی ہی گرد پھر آنی ہے، اس چیز کو روکنا پڑے گا، ایل ڈی اے سمیت دیگر محکموں پر اپنا کام مکمل کرنا چاہیے۔

یہ بھی پڑھیں: بلاشبہ انسان میں اگر لگن، جذبہ، دوراندیشی، خلوص، چاہت، ایثار، قربانی جیسے جذبوں کو اپنانے کی صلاحیت موجود ہو تو وہ بغیر دنیا میں نام پیدا کر سکتا ہے۔

آئندہ سماعت پر رپورٹس

عدالت نے واسا کے میٹرز کے حوالے سے آئندہ سماعت پر رپورٹ طلب کر لی۔

یہ بھی پڑھیں: وزیراعظم کا چاروں وزرائے اعلیٰ اور گورنروں سے رابطہ، عیدالاضحیٰ کی مبارکباد دی

درختوں کا کٹاؤ

سرکاری وکیل نے عدالت میں یقین دہانی کرائی کہ آئندہ کنٹونمنٹ ایریاز میں بغیر اجازت کے کوئی درخت نہیں کاٹا جائے گا۔

یہ بھی پڑھیں: اگر بھارت وینیو کی تبدیلی کا مطالبہ کرتا تو کیا آئی سی سی یہی رویہ اختیار کرتا؟ ناصر حسین

ییلو لائن پروجیکٹ کا عزم

پی ایچ اے کے وکیل نے کہا کہ ییلو لائن پروجیکٹ میں مجھے کنسٹلنٹ رکھا گیا تو میں نے صاف کہا تھا کہ کوئی درخت نہیں کاٹا جائے گا، میں نے ڈی جی کو بھی کہا تھا کہ آپ نے اگر درخت کاٹنے کی منظوری دی تو میں استعفی دے دوں گا۔

یہ بھی پڑھیں: مبہم سروے، غلط اندازے اور ٹاس: امریکی صدارتی انتخابات میں مقابلہ اتنا شدت پسند کیوں ہے؟

اصولوں کی پاسداری

جسٹس شاہد کریم نے ریمارکس دیئے کہ یہ بہت زبردست بات ہے انسان کو اپنے اصولوں کا پکا ہونا چاہیے۔

یہ بھی پڑھیں: بلغاریہ اور جاپان سے تعلق رکھنے والی خواتین کا کوٹ ادو کے 2 نوجوانوں سے نکاح، دونوں نے اسلام قبول کر لیا۔

ایل ڈی اے کی سڑکوں کی بحالی

دوران سماعت لاہور میں ایل ڈی اے کے سڑکوں کی بحالی کے منصوبے کی رپورٹ بھی عدالت میں پیش کی گئی جس میں بتایا گیا کہ شہر میں سڑکوں کی بحالی کے 62 منصوبے جاری ہیں، 27 منصوبے تاحال واسا نے ایل ڈی اے کے حوالے نہیں کئے، جبکہ 35 منصوبے واسا نے مکمل کر کے ایل ڈی اے کے حوالے کر دیئے ہیں۔

کارروائی کی معطلی

لاہور ہائیکورٹ نے کارروائی ایک ہفتے کے لئے ملتوی کرتے ہوئے متعلقہ محکموں سے رپورٹس طلب کر لیں۔