کیا پولیس اہلکاروں کو تفتیش کی باقاعدہ تربیت نہیں دی جاتی؟ سندھ ہائیکورٹ آئینی بنچ کے لاپتہ افراد کیس میں ریمارکس،مقدمہ درج کرنے کا حکم

سندھ ہائیکورٹ کا فیصلہ

کراچی (ڈیلی پاکستان آن لائن) سندھ ہائیکورٹ آئینی بنچ نے لاپتہ شہری پرویز کی گمشدگی کا مقدمہ درج کرنے کا حکم دیدیا اور شہریوں کی گمشدگیوں سے متعلق 18 دسمبر تک پیشرفت رپورٹ طلب کرلی۔ جسٹس مبین لاکھو نے کہا کہ لگتا ہے تربیت کے کتابچے بھی تفتیشی افسران کو نہیں پڑھائے جاتے، کیا پولیس اہلکاروں کو تفتیش کی باقاعدہ تربیت نہیں دی جاتی؟

یہ بھی پڑھیں: شمالی وزیرستان میں تیل اور گیس کے نئے ذخائر دریافت

لاپتہ افراد کی بازیابی

نجی ٹی وی چینل دنیا نیوز کے مطابق سندھ ہائیکورٹ آئینی بنچ میں 10 سے زائد لاپتہ افراد کی بازیابی کیلئے دائر درخواستوں پر سماعت ہوئی، مختلف علاقوں سے لاپتہ 4 شہری بازیابی کے بعد عدالت پیش ہوئے۔ وکیل درخواستگزار نے کہا کہ دونوں کی بازیابی کیلئے 3 ارب روپے مانگے جا رہے تھے۔ جسٹس یوسف علی سعید نے استفسار کیا کہ کیا تاوان ادا کرکے شہری واپس آئے؟ وکیل درخواست گزار نے کہا کہ پولیس نے لاپتہ شہریوں کی بازیابی کے بعد مقدمہ درج نہیں کیا۔

یہ بھی پڑھیں: جعلی رسیدیں جاری کرنے پر ریسٹورنٹس سیل

پولیس کی کارروائی پر سوالات

بازیاب افراد تھانے گئے لیکن پولیس نے مقدمہ درج نہیں کیا، پولیس نے کہا کہ بیان میں لکھو کہ خود پکنک منانے گئے تھے۔ آئینی بنچ نے کہا کہ لاپتہ شہری واپس آ چکے، درخواست کا مقصد پورا ہو چکا۔

یہ بھی پڑھیں: دھی رانی پروگرام، ساہیوال کے 134 جوڑے شادی کے بندھن میں بندھ گئے

عدالت کی ہدایت

وکیل نے استدعا کی کہ لاپتہ شہریوں کے بیان ریکارڈ کرنے کا حکم دیا جائے، آئینی بنچ نے کہا کہ درخواست نمٹا رہے ہیں، آپ مطمئن نہیں تو چیلنج کر سکتے ہیں۔ رپورٹ کے مطابق ماڑی پور سے لاپتہ شہری پولیس کو مطلوب اور مقدمے میں گرفتار ہے۔ عدالت نے بازیابی کے بعد 5 شہریوں کی گمشدگی کی درخواستیں نمٹا دیں۔

یہ بھی پڑھیں: جرمنی اور چین کے ڈیزائن پر مبنی، اب تک 2200 سے زیادہ نئی کوچز بنائی جا چکی ہیں، تقریباً اتنی ہی پرانی اور متروک بوگیوں کی تجدید نو کر کے پٹریوں پر چلا دیا گیا ہے۔

عدالت کا اظہار برہمی

دیگر شہریوں کی عدم بازیابی پر عدالت نے اظہار برہمی کیا، جسٹس یوسف علی سعید نے کہا کہ پولیس افسران کے تفتیشی طریقہ کار پر حیرت ہے۔ جسٹس مبین لاکھو نے کہا کہ لگتا ہے تربیت کے کتابچے بھی تفتیشی افسران کو نہیں پڑھائے جاتے۔ عدالت نے شہریوں کی گمشدگیوں سے متعلق 18 دسمبر تک پیشرفت رپورٹ طلب کرلی۔