کیا پولیس اہلکاروں کو تفتیش کی باقاعدہ تربیت نہیں دی جاتی؟ سندھ ہائیکورٹ آئینی بنچ کے لاپتہ افراد کیس میں ریمارکس،مقدمہ درج کرنے کا حکم

سندھ ہائیکورٹ کا فیصلہ

کراچی (ڈیلی پاکستان آن لائن) سندھ ہائیکورٹ آئینی بنچ نے لاپتہ شہری پرویز کی گمشدگی کا مقدمہ درج کرنے کا حکم دیدیا اور شہریوں کی گمشدگیوں سے متعلق 18 دسمبر تک پیشرفت رپورٹ طلب کرلی۔ جسٹس مبین لاکھو نے کہا کہ لگتا ہے تربیت کے کتابچے بھی تفتیشی افسران کو نہیں پڑھائے جاتے، کیا پولیس اہلکاروں کو تفتیش کی باقاعدہ تربیت نہیں دی جاتی؟

یہ بھی پڑھیں: دپیکا نے بیٹی کا نام اور تصویر سوشل میڈیا پر شیئر کردی

لاپتہ افراد کی بازیابی

نجی ٹی وی چینل دنیا نیوز کے مطابق سندھ ہائیکورٹ آئینی بنچ میں 10 سے زائد لاپتہ افراد کی بازیابی کیلئے دائر درخواستوں پر سماعت ہوئی، مختلف علاقوں سے لاپتہ 4 شہری بازیابی کے بعد عدالت پیش ہوئے۔ وکیل درخواستگزار نے کہا کہ دونوں کی بازیابی کیلئے 3 ارب روپے مانگے جا رہے تھے۔ جسٹس یوسف علی سعید نے استفسار کیا کہ کیا تاوان ادا کرکے شہری واپس آئے؟ وکیل درخواست گزار نے کہا کہ پولیس نے لاپتہ شہریوں کی بازیابی کے بعد مقدمہ درج نہیں کیا۔

یہ بھی پڑھیں: نر مچھروں کی بہرہ پن کے ذریعے مادہ سے جنسی تعلق کو روکنے کا انوکھا حل، سائنسدانوں کا دعویٰ

پولیس کی کارروائی پر سوالات

بازیاب افراد تھانے گئے لیکن پولیس نے مقدمہ درج نہیں کیا، پولیس نے کہا کہ بیان میں لکھو کہ خود پکنک منانے گئے تھے۔ آئینی بنچ نے کہا کہ لاپتہ شہری واپس آ چکے، درخواست کا مقصد پورا ہو چکا۔

یہ بھی پڑھیں: ہمیں حقِ حکمرانی میں حصہ اور تمام زبانوں کا احترام چاہیے: محمود خان اچکزئی کا جامشورو میں جلسے سے خطاب

عدالت کی ہدایت

وکیل نے استدعا کی کہ لاپتہ شہریوں کے بیان ریکارڈ کرنے کا حکم دیا جائے، آئینی بنچ نے کہا کہ درخواست نمٹا رہے ہیں، آپ مطمئن نہیں تو چیلنج کر سکتے ہیں۔ رپورٹ کے مطابق ماڑی پور سے لاپتہ شہری پولیس کو مطلوب اور مقدمے میں گرفتار ہے۔ عدالت نے بازیابی کے بعد 5 شہریوں کی گمشدگی کی درخواستیں نمٹا دیں۔

یہ بھی پڑھیں: ایران پر حملے کے بعد وہاں موجود پاکستانیوں کی کیا صورتحال ہے۔۔؟ پاکستانی سفیرمدثر ٹیپو کا بیان آ گیا

عدالت کا اظہار برہمی

دیگر شہریوں کی عدم بازیابی پر عدالت نے اظہار برہمی کیا، جسٹس یوسف علی سعید نے کہا کہ پولیس افسران کے تفتیشی طریقہ کار پر حیرت ہے۔ جسٹس مبین لاکھو نے کہا کہ لگتا ہے تربیت کے کتابچے بھی تفتیشی افسران کو نہیں پڑھائے جاتے۔ عدالت نے شہریوں کی گمشدگیوں سے متعلق 18 دسمبر تک پیشرفت رپورٹ طلب کرلی۔

پرویز کی گمشدگی کا مقدمہ

عدالت نے لاپتہ شہری پرویز کی گمشدگی کا مقدمہ درج کرنے کا حکم دیدیا، عدالت نے کہا کہ مقدمہ درخواست گزار کے بیان کے مطابق درج کیا جائے۔