دل یہ پکارے آجا پر ڈانس سے راتوں رات شہرت حاصل کرنیوالی عائشہ کا میٹرک میں 3بار فیل ہونے کا انکشاف
عائشہ اظہر کا انکشاف
کراچی(ڈیلی پاکستان آن لائن) میرا دل یہ پکارے گانے پر ڈانس کرنے سے وائرل ہونے والی عائشہ اظہر نے حال ہی میں انکشاف کیا ہے کہ وہ میٹرک میں تین بار فیل ہو چکی ہیں، چوتھی مرتبہ امتحان دینے پر وہ پاس ہوئیں۔
یہ بھی پڑھیں: مجھے لگتا ہے مودی کی کمزور نس چین کے ہاتھ میں ہے؟ بھارتی صحافی دنیش ووہرا کا وزیراعظم سے استعفیٰ کا مطالبہ
ناکامی اور کامیابی کی کہانی
عائشہ اظہر وہ نوجوان سوشل میڈیا سٹار ہیں جو نومبر 2022 میں ایک شادی میں ڈانس کی وجہ سے اچانک شہرت کی بلندیوں پر پہنچ گئیں۔ ’دل یہ پکارے آجا‘ پر اُن کی پرفارمنس نے انہیں راتوں رات وائرل کر دیا اور اسی ویڈیو نے انہیں ٹک ٹاک اور انسٹاگرام پر پہچان دلائی۔
یہ بھی پڑھیں: بجلی صارفین کے لیے خوشخبری، مزید پاور پلانٹس ٹیرف کمی پر رضامند
تعلیم اور کیریئر کی منصوبہ بندی
اب وہ ماڈلنگ میں کیریئر بنانے کی کوشش کر رہی ہیں اور باقاعدگی سے سوشل میڈیا پر متحرک رہتی ہیں۔ حال ہی میں ایک نجی ٹی وی کے شو میں بات کرتے ہوئے انہوں نے اسکول کے دنوں کو یاد کیا اور بتایا کہ وہ پڑھائی میں مسلسل مشکلات کا شکار رہیں۔
ان کے مطابق ان میں پڑھائی کی صلاحیت کم تھی، اسی وجہ سے تین بار ناکام ہوئیں لیکن دوستوں کے اصرار پر امتحان دیتی رہیں اور بالآخر میٹرک مکمل کرنے میں کامیاب ہو گئیں۔
یہ بھی پڑھیں: معروف پاکستانی اداکارہ کارنگ گورا کرنے والے انجیکشنز استعمال کرنے کا اعتراف
ماڈلنگ کا جنون
عائشہ نے یہ بھی کہا کہ وہ اب تعلیم جاری رکھنے کے بارے میں پراعتماد نہیں، کیونکہ وہ ماڈلنگ کو اپنا اصل جنون سمجھتی ہیں۔ ان کا کہنا تھا کہ وہ پڑھائی سے وقفہ لے چکی ہیں اور مستقبل میں اپنا وقت اور توانائی صرف اسی شعبے کو دینا چاہتی ہیں۔
وائرل ہونے کا سفر
انہوں نے انکشاف کیا کہ جب ان کی ویڈیو وائرل ہوئی تھی تو اس وقت ان کی عمر 14 برس تھی اور اب وہ 18 سال کی ہیں۔
