وزیر اطلاعات عطاء تارڑ باکو پہنچ گئے
وفاقی وزیر اطلاعات کی باکو آمد
باکو (ڈیلی پاکستان آن لائن) وفاقی وزیر اطلاعات و نشریات عطاء اللہ تارڑ آذربائیجان حکومت کی دعوت پر ڈی ایٹ میڈیا فورم میں شرکت کے لیے باکو پہنچ گئے۔ حیدر علیوف انٹرنیشنل ایئر پورٹ باکو پر آذربائیجان کی میڈیا ڈویلپمنٹ ایجنسی کے ایگزیکٹو ڈائریکٹر احمد اسماعیلوف نے وفاقی وزیر اطلاعات کا استقبال کیا۔
یہ بھی پڑھیں: ناقص پالیسیاں قومی خزانے کو اربوں روپے میں پڑرہی ہیں: گوہر اعجاز
ڈی ایٹ میڈیا فورم کا موضوع
آذربائیجان میں منعقد ہونے والے ڈی ایٹ فورم کا موضوع "مباحثے، تعاون اور علاقائی ہم آہنگی کو فروغ دینا" ہے۔
یہ بھی پڑھیں: ڈیمز نہ بننے سے پانی کا ضیاع اور مالی نقصان: تفصیلات جان کر آپ کے ہوش اُڑ جائیں گے
شرکت کرنے والے ممالک
ڈی ایٹ میڈیا فورم میں پاکستان سمیت آذربائیجان، بنگلہ دیش، مصر، انڈونیشیا، ایران، ملائیشیا، نائجیریا اور ترکیہ کے میڈیا ماہرین اور پالیسی ساز شریک ہو رہے ہیں۔ فورم میں ڈی ایٹ ممالک کے مابین ہم آہنگی پیدا کرنے، تجربات کے تبادلے اور باہمی تعاون کے نئے مواقع فراہم کئے جائیں گے۔
یہ بھی پڑھیں: حکومت نے موٹر سائیکل سواروں کو بڑی خوشخبری سنادی
پاکستان کی نمائندگی
وفاقی وزیر اطلاعات فورم میں پاکستان کی نمائندگی کر رہے ہیں اور وہ میڈیا تعاون، حقائق پر مبنی رپورٹنگ، اور ڈیجیٹل میڈیا کے شعبے میں مشترکہ لائحہ عمل سے متعلق پاکستان کا مؤقف پیش کریں گے۔
ملاقاتیں اور گفتگو
دورے کے دوران وفاقی وزیر اطلاعات کی ڈی ایٹ کے سیکریٹری جنرل، رکن ممالک کے وزرائے اطلاعات، میڈیا کے سربراہان اور مختلف عالمی ماہرین سے ملاقاتیں بھی ہوں گی۔
