ایران نے عالمی جوہری ادارے کے ساتھ معاہدہ ختم ہونے کا باضابطہ اعلان کر دیا

ایران کا قاہرہ معاہدے کے خاتمے کا اعلان

تہران (خصوصی رپورٹ) ایران نے عالمی جوہری ادارے کے ساتھ ستمبر میں قاہرہ میں کیے گئے معاہدے کے باضابطہ طور پر ختم ہونے کا اعلان کر دیا۔

یہ بھی پڑھیں: بیلاروس کے صدر الیگزینڈر لو کاشینکو مری پہنچ گئے

ایران کی وزیر خارجہ کی جانب سے مراسلہ

’’جنگ‘‘ کے مطابق آئی اے ای اے کے ڈائریکٹر جنرل کے نام بھیجے گئے سرکاری مراسلے میں ایرانی وزیرِ خارجہ عباس عراقچی نے کہا ہے کہ یہ سمجھوتہ اب قابل اعتبار نہیں اور اسے ختم سمجھا جائے۔

یہ بھی پڑھیں: ایف سی ہیڈ کوارٹرز پر خودکش حملے میں شہید ہونے والے 3 اہلکاروں کی نماز جنازہ ادا کردی گئی

قاہرہ سمجھوتے کی حیثیت

سلامتی کونسل میں 3 یورپی ممالک کی جانب سے منسوخ شدہ قراردادوں کی بحالی کے غیر قانونی اقدام کے بعد قاہرہ سمجھوتہ عملی طور پر ایران اور ایجنسی کے تعلقات اور تعاون کی بنیاد نہیں رہا۔

یورپی ممالک پر تنقید

عباس عراقچی کے مطابق تینوں یورپی ممالک عالمی ادارے کی حیثیت اور آزادی کو داؤ پر لگا رہے ہیں اور ادارے کے ساتھ تعاون کے عمل کو متاثر کر رہے ہیں۔