نیشنل سائبر کرائمز انویسٹی گیشن ایجنسی کے تمام پرانے افسران کوعہدوں سے ہٹا دیا گیا

نیشنل سائبر کرائمز انویسٹی گیشن ایجنسی کی تبدیلیاں

اسلام آباد (ڈیلی پاکستان آن لائن) نیشنل سائبر کرائمز انویسٹی گیشن ایجنسی کے تمام پرانے افسران کو عہدوں سے ہٹا دیا گیا۔ ایڈیشنل ڈائریکٹر این سی سی آئی اے راولپنڈی عبدالرؤف اور ایڈیشنل ڈائریکٹر ایڈمن محمودالحسن سے عہدے واپس لے لیے گئے۔

تازہ تقرریاں اور تبدیلیاں

سما ٹی وی کے مطابق ایڈیشنل ڈائریکٹر کراچی عبدالغفار اور ایڈیشنل ڈائریکٹر ملتان احمد زعیم کو بھی فارغ کر دیا گیا۔ انچارج ایبٹ آباد ڈپٹی ڈائریکٹر طاہرخان کو اوایس ڈی بنا دیا گیا۔ اسسٹنٹ ڈائریکٹر فیصل آباد آصف اقبال اور اسسٹنٹ ڈائریکٹر سکھر امجد عباسی سے چارج واپس لے لیا گیا۔

نئی تعیناتیاں

تمام افسران کو این سی سی آئی ہیڈ کوارٹرز رپورٹ کرنے کی ہدایت کی گئی ہے۔ احسان اللہ چوہان کو ایڈیشنل ڈائریکٹر راولپنڈی زون، مدثر شاہ کو ایڈیشنل ڈائریکٹر پشاور اور طارق خان کو ایڈیشنل ڈائریکٹر کوئٹہ تعینات کیا گیا ہے۔ اسسٹنٹ ڈائریکٹر فصیح کو کراچی سے سکھر زون کا انچارج بنا دیا گیا۔

نوٹیفیکیشن کا اجرا

این سی سی آئی اے ہیڈ کوارٹرز کی جانب سے نوٹیفیکیشن جاری کر دیئے گئے۔