چاند نظر نہیں آیا، یکم جمادی الثانی 23 نومبر اتوار کو ہوگی
چاند کی رویت کی تازہ ترین معلومات
لاہور (ڈیلی پاکستان آن لائن) ملک میں جمادی الثانی کا چاند نظر نہیں آیا، یکم جمادی الثانی اتوار کو ہوگی۔ وزارت مذہبی امور نے مرکزی رویت ہلال کمیٹی کی سفارشات پر نوٹیفکیشن جاری کردیا۔
یہ بھی پڑھیں: معاشی میدان میں بھی آپریشن بنیان مرصوص کو کامیاب بنائیں گے، احسن اقبال کا عزم
آنے والے اسلامی مہینوں کے چاند کی تاریخیں
محکمہ موسمیات نے سال 2026 کے چاند کی رویت کا پیشگی کیلنڈر جاری کر دیا ہے۔ کلائمٹ ڈیٹا پروسیسنگ سینٹر کی جانب سے تیار کردہ اس کیلنڈر میں پورے سال کے اسلامی مہینوں کی ممکنہ تاریخیں، چاند کی پیدائش، غروبِ آفتاب اور رویت کے اوقات شامل ہیں۔
چاند کی متوقع تاریخیں
محکمہ کے مطابق شعبان کا چاند 21 جنوری، رمضان کا چاند 18 فروری، شوال کا چاند 19 مارچ اور ذی القعد کا چاند 18 اپریل 2026 کو نظر آنے کا امکان ہے۔
مزید مہینوں کی پیش گوئی
اسی طرح ذی الحجہ کا چاند 17 مئی، محرم کا چاند 15 جون، صفر کا چاند 15 جولائی اور ربیع الاول کا چاند 13 اگست 2026 کو دکھائی دینے کی پیش گوئی کی گئی ہے۔
اہم تاریخیں
مزید بتایا گیا ہے کہ ربیع الثانی کا چاند 12 ستمبر، جمادی الاول کا چاند 12 اکتوبر، جمادی الثانی کا چاند 10 نومبر جبکہ رجب کا چاند 10 دسمبر 2026 کو نظر آنے کا امکان ہے۔
سائنسی بنیادوں پر کیلنڈر کی تیاری
محکمہ موسمیات کا کہنا ہے کہ یہ کیلنڈر سائنسی اور موسمیاتی اعداد و شمار کی بنیاد پر تیار کیا گیا ہے تاکہ عوام اور ادارے پیشگی منصوبہ بندی کر سکیں۔
