بھارت کے ساتھ جنگ کا خطرہ آج بھی موجود ہے، خواجہ آصف

وزیر دفاع کا بیان

اسلام آباد (ڈیلی پاکستان آن لائن) وزیر دفاع خواجہ آصف نے واضح کیا ہے کہ بھارت کے ساتھ جنگ کا خطرہ آج بھی موجود ہے۔

یہ بھی پڑھیں: Activities Kick Off at Lahore Youth Festival: Showcasing Logos from Various Educational Institutions and Engaging Youth

پراکسی جنگ کی شدت

نجی ٹی وی جیو نیوز کے مطابق اپنے بیان میں ان کا کہنا تھا کہ پراکسی وار کبھی رکی ہی نہیں، یہ دہائیوں سے جاری ہے اور جدید جنگی حکمتِ عملی کا ایک اہم ہتھیار بن چکی ہے۔ ان کے مطابق اس پراکسی جنگ میں اب پہلے سے زیادہ شدت آ چکی ہے۔ یہ سلسلہ 80 کی دہائی میں شروع ہوا تھا، جب لاہور اور راولپنڈی میں دھماکوں کی لہر دیکھی گئی۔

مستقبل کے خطرات

وزیر دفاع نے بتایا کہ مئی کی جنگ کے فوراً بعد بھارت کے ساتھ ایک اور بڑی لڑائی چھڑنے کا امکان پیدا ہو گیا تھا، اور آج بھی یہ خطرہ پوری طرح ختم نہیں ہوا۔ ان کے بقول بھارت کے خلاف پاکستان کی کامیابی کی تصدیق امریکا کر رہا ہے، اور امریکی صدر نے مداخلت کرکے ممکنہ جنگوں کو رکوانے میں کردار ادا کیا۔