ایئرسیال نے اپنے بیڑے میں ایک اور Airbus A320 طیارہ شامل کرنے کا معاہدہ کر لیا

ایئرسیال کی توسیع

دبئی (طاہر منیر طاہر) سیالکوٹ ذرائع کے مطابق ایئرسیال نے اپنے بیڑے میں توسیع کرتے ہوئے ایک اور Airbus A320 طیارہ شامل کرنے کا معاہدہ کر لیا ہے۔

یہ بھی پڑھیں: کوئٹہ میں آٹے کی قیمت میں 10 روپے فی کلو اضافہ

معاہدے کی تفصیلات

یہ معاہدہ AerCap کے UAE آفس میں دستخط کیا گیا، جسے فضائی کمپنی کی ترقی کے حوالے سے اہم پیش رفت قرار دیا جا رہا ہے۔ نئے طیارے کی شمولیت کے بعد ایئرسیال کے مجموعی جہازوں کی تعداد 13 ہو گئی ہے، جس سے کمپنی کی پروازوں کی استعداد میں اضافہ اور نئے روٹ کھولنے کی راہ ہموار ہو گی۔

یہ بھی پڑھیں: لو لی وڈ کو شان شاہد نے نقصان پہنچایا: ارباز خان

تقریب کے شرکاء

تقریب میں AerCap کے چیف کمرشل آفیسر پیٹر اینڈرسن، ایئرسیال کے چیئرمین فضل جیلانی، سینئر وائس چیئرمین قیصر اقبال بریار، چیف ایگزیکٹو آفیسر امین احسن، چیف آپریٹنگ آفیسر طارق امین سمیت دونوں اداروں کے اہم نمائندے شریک ہوئے۔

مستقبل کے منصوبے

ایئرسیال حکام کے مطابق یہ طیارہ کمپنی کی توسیعی حکمتِ عملی اور بہتر فضائی سروس فراہم کرنے کے عزم کو مضبوط بنائے گا۔