کراچی سے شہریوں کے اغوا اور تاوان طلب کیے جانے کا معاملہ، لڑکی سمیت پولیس اہلکار کے بھی ملوث ہونے کا انکشاف

دو شہریوں کا اغوا اور بھاری تاوان کا مطالبہ

کراچی (ویب ڈیسک) دو شہریوں کے اغوا اور 3 ارب روپے تاوان کے معاملے میں کراچی اور بلوچستان پولیس کے اہل کار سمیت ایک لڑکی کے ملوث ہونے کا انکشاف ہوا ہے۔ کراچی پولیس کے اہلکار کو گرفتار کر لیا گیا ہے۔ پولیس کے مطابق، اغواکاروں نے دونوں شہریوں کی رہائی کے بدلے 3 ارب روپے تاوان کا مطالبہ کیا۔ کیس کی مزید تحقیقات جاری ہیں اور مزید گرفتاریوں کا امکان بھی ظاہر کیا گیا ہے۔

یہ بھی پڑھیں: بیان میں ٹائپنگ کی غلطی ہوئی، وی پی این کو غیر شرعی نہیں کہا، راغب نعیمی کی وضاحت

تفتیش کی تفصیلات

تفتیشی ذرائع کے مطابق، کراچی کے علاقے گارڈن سے دو شہریوں کے اغوا اور بھاری تاوان طلب کرنے کی سنگین واردات میں اہم انکشافات سامنے آئے ہیں۔ اغوا کی کارروائی میں ایک لڑکی سمیت کراچی اور بلوچستان کے پولیس اہلکار ملوث پائے گئے۔ تفتیشی ذرائع نے بتایا کہ مبینہ طور پر کنول نامی لڑکی نے کراچی میں اغواکاروں کی مدد اور سہولت کاری کی۔ عامر اور شاہزیب نامی شہریوں کو 23 ستمبر کو گارڈن کے علاقے سے گاڑی سمیت اغوا کیا گیا اور بلوچستان میں خضدار میں نامعلوم مقام پر رکھا گیا۔

یہ بھی پڑھیں: نویں ٹی ڈی سی پی تھل ڈیزرٹ ریلی کا آغاز ہو گیا ، وزیر اعلیٰ کا بہترین انتظامات کا حکم

پولیس کی کارروائی

ذرائع نے بتایا کہ واقعے کا مقدمہ درج کرنے کے بعد تفتیش اینٹی وائلنٹ کرائم سیل اور سی پی ایل سی کی جانب سے شروع کی گئی۔ تفتیش میں یہ انکشاف ہوا ہے کہ کراچی پولیس کا ایک اہلکار، جو ڈسٹرکٹ کیماڑی میں تعینات تھا، اغوا کے بعد مغویوں کو حب چوکی کے راستے بلوچستان لے جانے میں مددگار بنا۔ اسی مقدمے میں بلوچستان سے سی ٹی ڈی کا ایک اہلکار بھی مبینہ طور پر ملوث پایا گیا۔ کراچی پولیس کا عبداللہ نامی ملوث اہلکار گرفتار کر لیا گیا ہے۔

اغوا کی منصوبہ بندی اور گرفتاری

ذرائع کا کہنا ہے کہ کراچی پولیس کے اہلکار عبداللہ کو تاوان کی رقم میں سب سے کم حصہ ملتا تھا، جو اس کو مغویوں کی بازیابی کے سبب نہ مل سکا۔ اے وی سی سی پولیس، سی پی ایل سی اور حساس اداروں کی مدد سے ملزمان کی گرفتاری اور مغویوں کی بازیابی کے لیے چھاپے مارے گئے۔ اسی دوران، اغواکار مغویوں کو حب چوکی کے قریب چھوڑ کر فرار ہوگئے تھے جبکہ مغویوں کی بازیابی کی اطلاع اے وی سی سی پولیس نے 11 نومبر کو جاری کی تھی۔