وفاقی حکومت نے سونے کی درآمد اور برآمد پر عائد پابندی ختم کردی

سونے کی درآمد و برآمد پر پابندی کا خاتمہ

اسلام آباد(ڈیلی پاکستان آن لائن ) وفاقی حکومت نے سونے کی درآمد اور برآمد پر عائد پابندی ختم کردی۔

یہ بھی پڑھیں: سیلابی صورتحال، اسلام آباد کے تمام ہائیکنگ ٹریلز تاحکم ثانی بند کرنے کا فیصلہ

وفاقی کابینہ کی منظوری اور نوٹیفکیشن

نجی ٹی وی جیونیوز کے مطابق وفاقی کابینہ کی منظوری کے بعد وزارت تجارت نے سونے کی درآمد اور برآمد پر عائد پابندی ختم کرنے کا نوٹیفکیشن جاری کردیا۔

یہ بھی پڑھیں: ہماری صنعت میں ٹیلنٹ کی بجائے ظاہری خوبصورتی کو اہمیت ملتی ہے: عدنان شاہ ٹیپو

بین الاقوامی تجارت کی بحالی

نوٹیفکیشن کے مطابق سونے کی عالمی تجارت سے متعلق معطل شدہ ایس آر او بحال کردیا گیا ہے۔ وفاقی حکومت نے قیمتی دھاتوں و زیورات کی درآمد و برآمد سے متعلق کچھ ترامیم بھی کی ہیں۔

یہ بھی پڑھیں: فیصل آباد، فیکٹری میں دھماکا کیسے ہوا؟ رپورٹ سامنے آگئی

فریم ورک کی وضاحت

قیمتی دھاتوں اور زیورات کی درآمد اور برآمد کا فریم ورک برقرار رہے گا، یہ فریم ورک شفافیت اور خودکار نظام میں بہتری کے ساتھ جاری رہے گا۔

ماضی کی پابندی اور وجوہات

اس سال مئی میں سونے کی ایکسپورٹ اور امپورٹ پر پابندی عائد کی گئی تھی، وزارت تجارت نے 6 مئی 2025 کو سونے کی تجارت منظم کرنے والا ایس آر او 60 روز کے لیے معطل کیا تھا۔

ذرائع کا کہنا ہے کہ سونے کی اسمگلنگ کی شکایت پر ایکسپورٹ اور امپورٹ پر پابندی لگائی گئی تھی۔