ایشیز سیریز، پرتھ ٹیسٹ 2 دن میں ختم، آسٹریلیا 8 وکٹوں سے کامیاب

ایشیز سیریز کا پہلا ٹیسٹ ختم

لندن (ویب ڈیسک) انگلینڈ اور آسٹریلیا کے درمیان جاری ایشیز سیریز کا پہلا ٹیسٹ دو دن میں ختم ہو گیا۔

آسٹریلیا کی شاندار فتح

پہلے ٹیسٹ میچ میں آسٹریلیا نے انگلینڈ کو 8 وکٹوں سے شکست دے دی۔ میزبان ٹیم نے 205 رنز کا ہدف 2 وکٹوں کے نقصان پر حاصل کر لیا۔

انگلینڈ کی دوسری اننگز

ایشیز سیریز کے پہلے ٹیسٹ کی دوسری اننگز میں، انگلینڈ کی ٹیم آسٹریلیا کے خلاف 164 رنز بنا کر آؤٹ ہو گئی تھی۔ اس اننگز میں انگلینڈ کی جانب سے اولی پاپ نے 33 اور بین ڈکٹ نے 28 رنز بنا کر نمایاں کردار ادا کیا۔

مچل اسٹارک کی شاندار بولنگ

آسٹریلیا کی جانب سے مچل اسٹارک نے 3 اور اسٹاک بولینڈ نے 4 وکٹیں حاصل کیں۔ مچل اسٹارک نے پہلے اننگز میں 7 وکٹیں حاصل کی تھیں، جس کے نتیجے میں ٹیسٹ میں ان کی کل 10 وکٹیں ہو گئیں۔ واضح رہے کہ پہلی اننگز میں انگلینڈ کی ٹیم مچل اسٹارک کی تباہ کن بولنگ کے سامنے ریت کی دیوار ثابت ہوئی تھی اور پوری ٹیم 172 رنز پر ڈھیر ہوگئی۔