سابق گورنر سندھ محمد زبیر نے آئی ایم ایف کی رپورٹ کے حوالے سے اہم سوال اٹھا دیا

اسلام آباد (ڈیلی پاکستان آن لائن) تحریکِ تحفظِ آئینِ پاکستان کے رہنما، سابق گورنر سندھ محمد زبیر نے آئی ایم ایف کی رپورٹ کے حوالے سے اہم سوال اٹھا دیا۔

یہ بھی پڑھیں: مسابقتی کمیشن نے شوگر ملز کا کارٹل پکڑ لیا

آئی ایم ایف رپورٹ کی دباؤ

تفصیلات کے مطابق وفاقی دارالحکومت میں تحریکِ تحفظِ آئینِ پاکستان کے رہنماؤں کے ہمراہ پریس کانفرنس کرتے ہوئے انہوں نے سوال کیا کہ حکومت نے 3 ماہ تک آئی ایم ایف کی رپورٹ کیوں دبائے رکھی؟

یہ بھی پڑھیں: چیمپئینز ٹرافی، بھارت ٹورنامنٹ منتقل کروانے کیلئے ہر حد تک گرنے کو تیار

حکومت کی خاموشی

’’جنگ‘‘ کے مطابق محمد زبیر کا کہنا تھا کہ 48 گھنٹے سے زائد وقت گزر گیا، کسی حکومتی نمائندے نے آئی ایم ایف رپورٹ کی تردید نہیں کی۔ آئی ایم ایف کی شرط تھی کہ رپورٹ جاری ہوگی تو اگلی قسط ملے گی، ہم اس رپورٹ میں بے ضابطگیوں پر تحقیقات کا مطالبہ کرتے ہیں۔ حکومتی نمائندے اس رپورٹ پر اپنا مؤقف سامنے رکھیں۔

مہنگائی اور قانونی معاملات

سابق گورنر سندھ نے کہا کہ پاکستان کے عوام مہنگائی کی چکی میں پس گئے ہیں۔ بانیٔ پی ٹی آئی پر بنایا گیا مقدمہ جعلی اور بے بنیاد ہے، بانی پر گھڑی کا بے بنیاد کیس بنایا ہوا ہے۔