قرآن و سنت کے خلاف تمام ترامیم کو مسترد کرتے ہیں، موقع ملا تو تمام اختیارات گراس روٹ سطح تک منتقل کریں گے: حافظ نعیم الرحمان کا عوامی اجتماع سے خطاب

اجتماع عام کا آغاز

لاہور (طیبہ بخاری سے) امیر جماعت اسلامی پاکستان حافظ نعیم الرحمان نے مینار پاکستان میں اجتماع عام کے دوسرے روز سیشن کے آغاز میں شرکاء سے خطاب کرتے ہوئے کہا کہ قرآن و سنت کیخلاف تمام ترامیم مسترد کرتے ہیں۔ موقع ملا تو تمام اختیارات گراس روٹ لیول تک پہنچائیں گے۔

یہ بھی پڑھیں: 20 سال گزر گئے کے فور منصوبہ کیوں مکمل نہیں ہوا۔۔۔؟ حافظ نعیم الرحمان نے سوال اٹھا دیا

خاندانی نظام کی مخالفت

خاندان، وصیت اور وراثت میں چلنے والی جماعتیں کبھی بھی انقلاب نہیں لاسکتیں۔ جماعت اسلامی نظریاتی و جمہوری جماعت ہے۔ حکمران جمہوریت کی نرسری کالج و یونیورسٹی میں سٹوڈنٹس کے انتخابات نہیں کروانا چاہتے۔ خاندان، وصیت اور وراثت پر چلنے والی جماعتیں نوجوانوں سے خوفزدہ ہیں۔

یہ بھی پڑھیں: 27ویں ترمیم، شہبازشریف نے وزیراعظم کے استثنیٰ کی شق واپس لینے کی ہدایت کردی

پنجاب کے ظالمانہ ایکٹ کی مخالفت

پنجاب کے ظالمانہ ایکٹ کو کسی صورت قبول نہیں کریں گے۔ ایکٹ کے خلاف ملک بھر میں بھرپور تحریک چلائیں گے۔ پنجاب کے تمام شہریوں میں صاف و شفاف بلدیاتی انتخابات کروائے جائیں اور تمام اختیارات نچلی سطح پر منتقل کیے جائیں۔ جب نچلی سطح پر اختیارات منتقل کیے جائیں گے تو اجارہ داری نظام کا خاتمہ ہوگا۔

یہ بھی پڑھیں: بالاج قتل کیس میں اہم پیشرفت، طیفی بٹ کی ہلاکت کے بعد گوگی بٹ پولیس کو مطلوب، فائل سی سی ڈی کے حوالے

جاگیرداروں کے خلاف جدوجہد

چیئرمین پیپلز پارٹی بلاول بھٹو زرداری بہت بڑے جاگیردار اور جمہوریت کے دعویدار ہیں۔ وہ بتائیں کہ انہوں نے سندھ کے ہاریوں کو ان کے حقوق کیوں نہیں دیئے؟ سندھ کے بچوں کو مفت اور معیاری تعلیم کیوں نہیں دی جاتی؟ ڈیلی ویجز پر کام کرنے والی خواتین کو ان کے حقوق کیوں نہیں دیئے جاتے؟ پورے ملک میں سرمایہ دارانہ ذہنیت کے تحت غریب کو مزید غریب کیا جا رہا ہے۔

یہ بھی پڑھیں: کراچی کے مختلف علاقوں میں ٹریفک حادثات، 4 افراد جاں بحق

نظام کی تبدیلی کی ضرورت

سندھ میں سرمایہ دارانہ ذہنیت کے خاتمے اور ظلم کے نظام کے خاتمے کے لیے "بدل دو نظام" تحریک کو چلانا ہوگا۔ معیشت، تجارت یا تعلیم ہو، سب سے جاگیرداروں اور وڈیروں کا خاتمہ کرنا ہوگا۔ آئین کے آرٹیکل 140-A کے تحت تمام اختیارات نچلی سطح پر منتقل کرنا اور مالی و انتظامی معاملات فراہم کرنا ہے۔

یہ بھی پڑھیں: سابق چیئرمین سینیٹ صادق سنجرانی کے والد آصف سنجرانی انتقال کرگئے

کارکنان کی جدوجہد

کارکنان ظلم کی ہر شکل کو بدلنے کے لیے جدوجہد کو تیز کریں۔ ہم آئین و دستور کے مطابق قرآن و سنت کے خلاف تمام ترامیم کو مسترد کرتے ہیں۔ ہمیں موقع ملا تو ملک کے آئین و دستور کے مطابق اختیارات گراس روٹ لیول تک پہنچائیں گے، گلی اور محلے کی سطح پر عدل و انصاف قائم کرنے کے لیے کمیٹیاں بنائیں گے۔

یہ بھی پڑھیں: ملکی مفاد کے خلاف کام کرنے والی ایک لاکھ سے زائد ویب سائٹس، ہزاروں یوٹیوب چینلز بلاک

قوم کے حقوق کی ضمانت

امیر جماعت اسلامی پاکستان حافظ نعیم الرحمان نے اسٹیج سے نعرے لگائے جس پر شرکاء نے بھرپور جواب دیا۔ اجتماع عام میں ملک بھر سے آئے ہوئے عوام شریک ہیں، "بدل دو نظام" کے حوالے سے شرکاء پر عزم ہیں۔ آئین و دستور کے مطابق حاکمیت صرف اور صرف اللہ تعالیٰ کی ہے۔

یہ بھی پڑھیں: اب کشتیوں میں ہسپتال: تاریخ میں پہلی بار “کلینک آن بوٹس” سروسز کا آغاز

تعلیمی اصلاحات کی اہمیت

بدقسمتی سے پاکستان میں کسی بھی سیاسی پارٹی کا ایجنڈے میں تعلیم نہیں ہے۔ ملک میں 2 کروڑ 62 لاکھ بچے تعلیم سے محروم ہیں۔ ہم ایسا نظام چاہتے ہیں کہ جس میں پوری قوم کے لیے یکساں نظام تعلیم ہو۔ اگر 50 ارب روپے تعلیم کے بجٹ پر خرچ کیے جائیں تو قوم ترقی کرے گی۔