شہریوں کو حق رائے دہی کے لیے پرامن ماحول فراہم کریں گے: آئی جی پنجاب

پنجاب پولیس کی ووٹرز کے لیے سیکیورٹی اقدامات

لاہور(ڈیلی پاکستان آن لائن) آئی جی پنجاب ڈاکٹر عثمان انور نے کہا کہ پنجاب پولیس ووٹرز کو پرامن اور محفوظ ماحول فراہم کرے گی تاکہ عوام بلا خوف و خطر اپنا حق رائے دہی استعمال کر سکیں۔

یہ بھی پڑھیں: پروفیسر خورشید احمد انتقال کر گئے

الیکشن کے لیے زیرو ٹالرنس پالیسی

نجی ٹی وی چینل دنیا نیوز کے مطابق انسپکٹر جنرل آف پنجاب پولیس ڈاکٹر عثمان انور نے کہا کہ الیکشن کمیشن کے ضابطہ اخلاق، دفعہ 144 اور اسلحہ پابندی کی خلاف ورزی پر زیرو ٹالرنس پالیسی اپنائی جائے گی۔ صوبے بھر کے 939 مردانہ، 889 زنانہ اور 964 جوائنٹ پولنگ اسٹیشنز پر پولیس فورس تعینات ہے۔ اس کے علاوہ مجموعی طور پر 2792 پولنگ اسٹیشنز میں سے 408 کو انتہائی حساس اور 1032 کو حساس قرار دیا گیا ہے۔

یہ بھی پڑھیں: ادلے کا بدلہ: چالان کرنے پر لیسکو اہلکار نے وارڈن کی بجلی کاٹ دی

مانیٹرنگ اور سیکیورٹی انتظامات

انہوں نے کہا کہ انتہائی حساس پولنگ اسٹیشنز پر سی سی ٹی وی کیمرے نصب کر دیے گئے ہیں اور پولنگ کے عمل کی لمحہ بہ لمحہ مانیٹرنگ کی جائے گی۔ سیکورٹی کی نگرانی سنٹرل پولیس آفس، سیف سٹیز اتھارٹی اور اضلاع کے کنٹرول اینڈ مانیٹرنگ رومز سے کی جائے گی۔

یہ بھی پڑھیں: نیشنل جونیئر اوپن اسکواش چیمپئن شپ 24 اپریل سے شروع ہوگی

پولیس کے عزم اور تعاون

آئی جی پنجاب نے کہا کہ پولیس فورس پراعتماد ہے اور انشا اللہ ضمنی انتخابات کا انعقاد پرامن ماحول میں یقینی بنائیں گے۔ متعلقہ اداروں کے ساتھ مشاورت کے بعد سکیورٹی، لاجسٹکس، کمیونیکیشن اور ٹرانسپورٹیشن پلان ترتیب دیا گیا ہے۔

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا؟

دہشت گردی اور شرپسندی کا قلع قمع

انہوں نے کہا کہ اداروں کی معاونت سے دہشت گرد، شرپسند اور ملک دشمن عناصر کی ہر بزدلانہ کوشش کو بری طرح ناکام بنائیں گے۔ پنجاب کانسٹیبلری، پی ایچ پی، ایلیٹ فورس، ایس پی یو، اور ٹریننگ برانچ کے اہلکار بھی الیکشن ڈیوٹی پر تعینات ہیں، جبکہ لیڈیز پولنگ اسٹیشنز اور بوتھ پر خواتین پولیس اہلکار فرائض سر انجام دے رہی ہیں۔

رینجرز اور پاک فوج کا تعاون

ان کا کہنا تھا کہ ضمنی انتخابات کے دوران پنجاب پولیس کو رینجرز اور پاک فوج کی مکمل معاونت بھی حاصل ہے۔ ڈولفن اسکواڈ، سپیشل برانچ اور سی ٹی ڈی سمیت تمام فارمیشنز کو الیکشن سیکیورٹی پلان میں شامل کیا گیا ہے۔