ہری پور سے اس مرتبہ پی ٹی آئی ہی کامیاب ہوگی: عمر ایوب

عمر ایوب کی پی ٹی آئی کی فتح کی پیشگوئی

ہری پور(ڈیلی پاکستان آن لائن) پی ٹی آئی کے رہنما عمر ایوب نے کہا ہے کہ ہری پور سے اس بار بانی عمران خان کی پی ٹی آئی ہی جیتے گی۔

یہ بھی پڑھیں: کل سے حج درخواستوں کی وصولی بند کرنے کا اعلان ہو گیا

کھلابٹ سیکٹر ون کی صورتحال

انہوں نے کہا کہ ہم اس وقت ضلع ہری پور، کھلابٹ سیکٹر ون میں موجود ہیں، کھلابٹ میں دو یونین کونسل آتی ہیں جن میں 29 پولنگ سٹیشن ہیں۔ 2024 کے الیکشن میں روپوش تھا، ہمارے کئی ساتھی جیل میں تھے اور کچھ کے پیچھے پولیس پڑی ہوئی تھی۔

یہ بھی پڑھیں: بنگلہ دیش کی عبوری حکومت نے اپنی کرنسی کے حوالے سے اہم فیصلہ کیا

سخت حالات میں فتح

انہوں نے یہ بھی کہا کہ تمام ساتھیوں پر بہت زیادہ سختی تھی، ہمارے مخالفین 29 میں سے 27 پولنگ سٹیشنز ہار گئے تھے، پی ٹی آئی نے تمام سختیوں کے باوجود 29 میں سے 27 پولنگ سٹیشن جیتے تھے۔

یہ بھی پڑھیں: قائد اعظم نے ہندوستان کے مسلمانوں کو دوقومی نظریہ سے روشناس کرایا، کانگریس اور انگریز کا مقابلہ کیا، علامہ اقبال نے آزادی کی طرف راغب کیا

مسلم لیگ ن کے امیدوار کے خلاف کامیابی

عمر ایوب کا کہنا تھا کہ مسلم لیگ ن کے امیدوار کو ہمارے امیدوار نے 82 ہزار ووٹوں سے شکست دی تھی، مسلم لیگ ن کا امیدوار یہاں کھلابٹ میں اپنے گھر کا پولنگ سٹیشن بھی ہارا تھا۔

یہ بھی پڑھیں: پر اسرار بیماری سے 143 افراد ہلاک، ڈبلیو ایچ او بھی میدان میں آگیا

اعتماد کے ساتھ جیت کی پیشگوئی

انہوں نے کہا کہ اس بار پی ٹی آئی کھلابٹ میں 29 کے 29 پولنگ سٹیشن جیتے گی, اس بار تمام پولنگ سٹیشنز بانی پی ٹی آئی کی پارٹی جیتے گی، چیزیں بالکل واضح ہیں یہاں سے پی ٹی آئی ہی جیتے گی۔

عمر ایوب کی خالی نشست پر اہلیہ کی امیدوار

واضح رہے کہ عمر ایوب کو سزا سنائے جانے پر خالی ہونے والی نشست پر عمر ایوب کی ہی اہلیہ انتخاب لڑ رہی ہیں۔