ہم بھارت کے افغان سرزمین استعمال کرنے سے خوفزدہ نہیں، طاہر محمود اشرفی

پاکستان علماء کونسل کے چیئرمین کی وضاحت

اسلام آباد (ڈیلی پاکستان آن لائن) پاکستان علماء کونسل کے چیئرمین حافظ طاہر محمود اشرفی نے کہا ہے کہ ہم بھارت کے افغان سر زمین استعمال کرنے سے خوفزدہ نہیں۔

یہ بھی پڑھیں: پاکستان کے لیے جاسوسی کا الزام، معروف بھارتی یوٹیوبر جیوتی ملہوترا کو بھی گرفتار کر لیا گیا

بھارت کا 30 سالہ رویہ

ایک بیان میں علامہ طاہر اشرفی نے کہا کہ بھارتی مسلمانوں کے مذہبی لیڈر مولانا ارشد مدنی کا بیان زیرِ بحث ہے، اللہ کا شکر ہے کہ ہمیں پاکستان جیسی نعمت ملی۔

انہوں نے مزید کہا کہ بھارت گزشتہ 30 سال سے پاکستان کے خلاف افغان سرزمین استعمال کر رہا ہے لیکن ہم کسی سے خوفزدہ نہیں۔

یہ بھی پڑھیں: سعودی شہزادہ فیصل بن خالد بن سعود انتقال کرگئے

بھارت میں مسلمانوں کی صورتحال

چیئرمین پاکستان علماء کونسل نے کہا کہ لندن یا نیویارک میں تو مسلمان میئر بن سکتا ہے، جبکہ بھارت میں 30 کروڑ سے زائد مسلمان ہیں مگر وہ کسی یونیورسٹی میں اپنا وائس چانسلر نہیں لگا سکتے۔ اسی طرح بھارت میں عیسائیوں اور سکھوں کی صورتحال بھی مختلف نہیں ہے۔

یہ بھی پڑھیں: مودی سرکار کی سکھ رہنماؤں کو قتل کرنے کی مہم بے نقاب

پاکستان اور افغانستان کے تعلقات

اُن کا کہنا ہے کہ آج پاکستان کے خلاف افغانستان اپنی دوستی بھارت سے بڑھا رہا ہے، یہ افغانوں کو مبارک ہو، ہم ان سے خوفزدہ نہیں۔

تاریخی فتح کا ذکر

طاہر اشرفی نے یہ بھی کہا کہ یہ دونوں مل کر بھی پاکستان کا کچھ نہیں کر سکتے، جیسا کہ 9 مئی کو اللہ تعالیٰ نے پاکستان کو فتح دی، وہی آگے بھی مدد کرے گا۔